ജിമെയിൽ സ്റ്റോറേജ് ഫുൾ ആയാൽ

ഒരുപാടു മെയിലുകൾ അയക്കാ ആളുകൾക്കും ജിമെയിൽ സ്റ്റോറേജ് ഫുൾ ആയി എന്നു നോട്ടിഫിക്കേഷൻ വരാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

അത്യാവശമായി ആരെങ്കിലും അയച്ച മെയിൽ നോക്കാൻ ജിമെയിൽ തുറന്ന് എല്ലാ ഫോൾഡറും പരതിയാലും ആ മെയിൽ ചിലപ്പോൾ കാണില്ല. പകരം മുകളിലായി ഒരു നോട്ടിഫിക്കേഷൻ കാണും, Your Gmail storage is almost full. ഈ സാഹചര്യം വന്നാൽ എന്തു ചെയ്യാനാകും എന്നു നോക്കാം.

പണം മുടക്കാൻ തയാറല്ലെങ്കിൽ

ജിമെയിലിൽ ഫ്രീ സ്പേസ് ഉണ്ടെങ്കിൽ മാത്രമേ ഇമെയിൽ റിസീവ് ചെയ്യാനും സെൻഡ് (send) ചെയ്യാനും ആകു. ഇത്തരത്തിൽ സ്റ്റോറേജ് ഫുൾ ആയി എന്നു കാണുകയാണെങ്കിൽ വർധിപ്പിക്കാൻ നിലവിൽ രണ്ട് ഓപ്ഷനാണുള്ളത്. സ്റ്റോറേജ് സ്പേസ് പണം കൊടുത്തു വാങ്ങുകയാണ് ആദ്യവഴി. https://one.google.com/about/plans എന്ന ലിങ്കിൽ കയറിയാൽ വിവിധ പ്ലാനുകൾ കാണാം. 100 ജിബിക്ക് ഒരു വർഷത്തേക്ക് 1300 രൂപയാണു ഗൂഗിൾ വാങ്ങുന്നത്. 200 ജിബി, 1 ടിബി, 2 ടിബി എന്നിങ്ങനെ വേറെയും പ്ലാനുകൾ ലഭ്യമാണ്.