ലൈസൻസ് നഷ്ടപ്പെട്ടാൽ

അപ്രതീക്ഷിതമായി നിരവധി പ്രതിസന്ധികൾ നേരിടേണ്ടി വരും നമുക്ക്. ഒട്ടും സമയം പാഴാക്കാതെ ഉടൻ ചെയ്യേണ്ടത് എന്താണെന്ന് പറയുന്ന പംക്തി.

- സഞ്ജയ് എസ്. ജോയിന്റ് ആർടിഒ, കാഞ്ഞിരപ്പള്ളി

ലൈസൻസ് നഷ്ടപ്പെട്ടാലോ കാണാതായാലോ ഉടൻ എന്താണ് ചെയ്യേണ്ടത്?

എന്നും വാഹനം ഓടിക്കുന്ന ആളാണെങ്കിലും വീട്ടിൽ നിന്നിറങ്ങുന്നതിനു മുൻപ് ലൈസൻസ് പഴ്സിൽ ഉണ്ടോ എന്നു പലരും നോക്കാറില്ലല്ലോ. ഒന്നുകിൽ വണ്ടിയിൽ ഫോട്ടോസ്റ്റാറ്റ് കോപ്പി ഉണ്ടാകുമെന്ന് ഒരുറപ്പ്. അല്ലെങ്കിൽ ഫോണിൽ ലൈസൻസിന്റെ ഫോട്ടോ ഉണ്ടാകും എന്ന വിശ്വാസം. ഇതൊക്കെ മതി.

പക്ഷേ, ലൈസൻസിന്റെ ഒറിജിനൽ ആവശ്യമുള്ള സന്ദർഭങ്ങളിൽ തിരഞ്ഞു നോക്കുമ്പോഴാണ് ആ സത്യം തിരിച്ചറിയുന്നത് - ലൈസൻസ് കാണാനില്ല. മറ്റു ചിലപ്പോൾ സംഭവിക്കുന്നത് ഇതാകില്ല. ഒരു തിരിച്ചറിയൽ രേഖയായി ലൈസൻസ് പഴ്സിൽ പലരും സൂക്ഷിക്കും. റൂം ബുക്കിങ്ങിനു മുതൽ പലതിനും ഇതാണ് കൊടുക്കാറുള്ളത്. അങ്ങനെയിരിക്കുമ്പോഴാണ് പഴ്സ് കാണാതെ പോകുന്നത്. അ തിലുള്ള വിലപിടിച്ച രേഖകൾക്കൊപ്പം ലൈസൻസും കാണാതായി.