ഗ്യാസ് സിലിണ്ടറിന് തീപിടിച്ചാൽ

അപ്രതീക്ഷിതമായി നിരവധി പ്രതിസന്ധികൾ നേരിടേണ്ടി വരും നമുക്ക്. ഒട്ടും സമയം പാഴാക്കാതെ ഉടൻ ചെയ്യേണ്ടത് എന്താണെന്ന് പറയുന്ന പംക്തി. 

- റെജി വി. കുര്യാക്കോസ്, ജില്ലാ ഫയർ ഓഫിസർ, കോട്ടയം

അടുക്കളയിൽ ഗ്യാസ് ചോർച്ചയുണ്ടായാൽ ഉടൻ എന്തു ചെയ്യണം? അടുക്കളയിൽ നിന്നു പാചകവാതകത്തിന്റെ ഗന്ധം ചെറുതായി അറിയാൻ തുടങ്ങിയാൽ തന്നെ ഭയക്കുന്നവരാണു നമ്മൾ. അപ്പോൾ ഗ്യാസ് ചോർച്ചയോ അതിൽ നിന്ന് തീ പിടിക്കുകയോ ചെയ്താൽ എന്തു ചെയ്യണം എന്നറിയാതെ നിന്നു പോകുമെന്നുറപ്പാണ്. പക്ഷേ, മനഃസാന്നിധ്യം ഒട്ടും വിടാതെ, ഒരു നിമിഷം പോലും പാഴാക്കാതെ തീരുമാനങ്ങൾ എടുക്കണം.

ഉടൻ ചെയ്യേണ്ട 10 കാര്യങ്ങൾ

ജനാലകളും വാതിലുകളും നനഞ്ഞ തുണി ഉപയോഗിച്ചു തുറന്നിടുക. ലോഹത്തിൽ സ്പാർക് ഉണ്ടാകുന്നതു തടയാനാണിത്.

കഴിയുമെങ്കിൽ സിലിണ്ടറും സ്റ്റൗവും പുറത്തു തുറസായ സ്ഥലത്തേക്ക് മാറ്റിവയ്ക്കുക. അല്ലാത്ത പക്ഷം വീട്ടിലുള്ളവരെ ഒഴിപ്പിക്കുക.

തീ പിടിക്കാൻ സാധ്യതയുള്ള വസ്തുക്കൾ അടുത്ത് ഉണ്ടെങ്കിൽ ഉടൻ മാറ്റുക. രണ്ടാമത്തെ സിലിണ്ടർ എടുത്തു മാറ്റുക.