ദാസേട്ടന്റെ സൈക്കിൾ

കുടുംബത്തിന്റെ നിലനിൽപ്പിനായി ദാസേട്ടന്റെ സൈക്കിൾ ഓടിക്കൊണ്ടിരിക്കുമ്പോൾ പ്രേക്ഷകർ ദാസേട്ടന് ഹൃദയത്തിലിടം നൽകുമെന്നാണ് താൻ പ്രതീക്ഷിക്കുന്നതെന്നും ഹരീഷ് പേരടി പറയുന്നു

- എം.എസ്. ദാസ് മാട്ടുമന്ത

സ്കോട്ലന്റിലെ എഡിൻ ബറോക്കും ചെക്ക് റിപ്പബ്ലിക്കിലെ പ്രാഗ് നഗര ത്തിനും ശേഷം യുനെസ്കോയുടെ സാഹിത്യനഗര പദവി ലഭിച്ച രാജ്യത്തെ ആദ്യനഗരമായ കോഴിക്കോട് ഒരു കാലത്ത് മലയാള സിനിമയുടെ കോടമ്പാക്കമായിരുന്നു. പൂർവ്വസൂരികളായ മഹാപ തിഭകളുടെ പാദസ്പർശ മേറ്റ കോഴിക്കോട് നഗരം മലയാള സിനിമയുടെ ഹൃദയം തൊട്ടറിഞ്ഞ എം.വൈക്കം മുഹ ടിയുടേയും മ്മദ് ബഷീറിന്റെയും എസ്.കെ. പൊറ്റക്കാടിന്റെയും ചിന്താസരണികൾക്ക് കരുത്തുപകർന്ന സാംസ്കാരിക കേന്ദ്രമാണ്.

നമ്മുടെ മഹാസംസ്കൃതിയെ വാനോളമുയർത്തിയ കോഴിക്കോട് നഗരത്തിലാണ് മലയാള സിനിമയ്ക്ക് നവഭാവുകത്വം പകർന്ന പ്രതിഭാധനനായ സംവിധായകൻ ഐ.വി.ശശിയുടെ ഭൂരിഭാഗം സിനിമകളും പിറവിയെടുത്തത്.

കോഴിക്കോടിന്റെ സാംസ്ക്കാരിക ഭൂമികയായ വിശാലമായ നഗരഹൃദയത്തിലെ അങ്ങാടിയും തെരുവുകളും ബിഗ്സ്ക്രീനിലേക്ക് പകർത്താൻ ഐ.വി. ശശിക്ക് എന്തെന്നില്ലാത്ത ആവേശമായിരുന്നു.

കോഴിക്കോടിന്റെ മണ്ണിൽ ജനിച്ച് വളർന്ന് നാടകങ്ങളിലൂടെ സാധാരണ പ്രേക്ഷകരുടെ പ്രിയങ്കരനായി മാറിയ ദക്ഷിണേഷ്യൻ സിനിമയിലെ പ്രധാന താരങ്ങളിലൊരാളായ ഹരീഷ് പോടി നായകനാവുന്ന ദാസേട്ടന്റെ സൈക്കിൾ കോഴിക്കോട് നഗരത്തിലാണ് ചിത്രീകരിച്ചത്. അനുദിനം വളർന്നുകൊണ്ടിരിക്കുന്ന കോഴിക്കോട് നഗര ത്തിൽ ജീവിതത്തിന്റെ രണ്ടറ്റവും കൂട്ടിമുട്ടിക്കാൻ പ്രയാസപ്പെടുന്ന ദാസേട്ടന്റെ മാനസിക വിചാരങ്ങളിലൂടെ സഞ്ചരിക്കുന്ന യുവസംവിധായകനായ അഖിൽ കാവുങ്കൽ അണിയിച്ചൊരുക്കുന്ന ദാസേട്ടന്റെ സൈക്കിൾ തീയേറ്ററുകളിലെത്തുകയാണ്.