രുചിയൂറും മൾബറി

കൊളസ്ട്രോൾ കുറയ്ക്കും

- റോസ് മേരി കൃഷിവകുപ്പ് (റിട്ട. ഫോൺ: 9633040030

ഔഷധ, പോഷകഗുണങ്ങളുള്ള മൾബറിപ്പഴങ്ങൾ കുട്ടികൾക്കാണ് ഏറെ ഇഷ്ടം. വൈറ്റമിനുകൾ (സി, കെ, ഇ), പൊട്ടാസ്യം, മഗ്നീഷ്യം, നിരോക്സീകാരികൾ എന്നിവ മൾബറിപ്പഴത്തിൽ അടങ്ങിയിരിക്കുന്നു. കൊളസ്ട്രോൾ, വിശേഷിച്ചും ചീത്ത കൊളസ്ട്രോൾ, കുറയ്ക്കാൻ സഹായകം. കണ്ണിന്റെയും ഹൃദയത്തിന്റെയും ആരോഗ്യം സംരക്ഷിക്കും, രക്തസമ്മർദം നിയന്ത്രിക്കും, രോഗപ്രതിരോധശേഷി വർധിപ്പിക്കും. യുവത്വം നിലനിർത്താനും സഹായകം. മൾബറി ഇലകൊണ്ടുള്ള ചായയ്ക്കും ഏറെ ഔഷധഗുണമുണ്ട്. പക്ഷേ, ആരോഗ്യ വിദഗ്ധരുടെ നിർദേശപ്രകാരം മാത്രമേ ഉപയോഗിക്കാവൂ. മൾബറിയിൽനിന്ന് ജാം, ജെല്ലി, വൈൻ, ഷെയ്ക്ക്, സിറപ്പ്, ഇലച്ചായ തുടങ്ങി ഒട്ടേറെ മൂല്യവർധിത ഉൽപന്നങ്ങൾ നിർമിക്കാം. ഔഷധ, സൗന്ദര്യവർധക ഉൽപന്നങ്ങളുടെ നിർമാണത്തിലും മൾബറി ഉപയോഗിച്ചു വരുന്നു.