റോബോട്ടുകളുടെ ലോകം

നിലവിൽ റോബോട്ടിക്സിന് ഐ.ടി, മാനുഫാക്ചറിങ് മേഖലകളിലാണ് കൂടുതൽ കരിയർ സാധ്വതകൾ ഉള്ളതെങ്കിലും ഭാവിയിൽ കൂടുതൽ മേഖലകളിലേക്ക് വ്യാപിപ്പിക്കാൻ കഴിയും

- കെ.എം. ഫൈസൽ

പ്രധാനമായും മൂന്ന് ശാഖകളുടെ സംയോജനമാണ് റോബോട്ടിക്സ് എന്നതു കൊണ്ട് ഉദ്ദേശിക്കുന്നത്. മെക്കാനിക്കൽ എൻജിനീയറിങ്, ഇലക്ട്രോണിക്സ് എൻജിനീയറിങ്, കമ്പ്യൂട്ടർ സയൻസ് അല്ലെങ്കിൽ സോഫ്റ്റ് വെയർ എൻജിനീയറിങ് എന്നിവയുടെ കൂടിച്ചേരലുകളാണ് റോബോട്ടിക്സ്.

നിലവിൽ റോബോട്ടിക്സിന് ഐ.ടി, മാനുഫാക്ചറിങ് മേഖലകളിലാണ് കൂടുതൽ കരിയർ സാധ്യതകൾ ഉള്ളതെങ്കിലും ഭാവിയിൽ കൂടുതൽ മേഖലകളിലേക്ക് വ്യാപിപ്പിക്കാൻ കഴിയും. പ്രധാനമായും റോബോട്ടിക്സുമായി കൂടിച്ചേരുന്ന മൂന്ന് ശാഖകളാണ്, എ.ഐ റോബോട്ട്, ഓഗ്മെന്റഡ് റിയാലിറ്റി റോബോട്ട്, ഐ.ഒ.ടി റോബോട്ട് (internet of things) എന്നിവ.

സ്കൂൾതലം മുതൽ തന്നെ കുട്ടികളിൽ റോബോട്ടിക്സുമായി ബന്ധപ്പെട്ട മേഖലയിൽ കഴിവുകൾ വളർത്തിയെടുക്കാനുള്ള മേഖലയാണ് സ്റ്റെം (STEM) എജുക്കേഷൻ. STEM എന്ന തുകൊണ്ട് ഉദ്ദേശിക്കുന്നത് സയൻസ്, ടെക്നോളജി, എൻജിനീയറിങ് ആൻഡ് മാത്തമാറ്റിക്സ് എന്നിവയുടെ കൂടിച്ചേരലാണ്.

റോബോട്ടിക്സ് ആൻഡ് ഐ.ഒ.ടി

റോബോട്ടിക്സ്, ഇന്റർനെറ്റ് ഓഫ് തിങ്സും (loT) ഇവയിൽ ഓരോന്നിനും സ്വന്തമായി വലിയ സാധ്യതകളുണ്ട്. ഇവ സംയോജിപ്പിക്കുമ്പോൾ വ്യവസായങ്ങളിലും ദൈനംദിന ജീവിതത്തിലും വിപ്ലവം സൃഷ്ടിക്കാൻ കഴിയും. റോബോട്ടിക്സ് ആൻ ഡ് ഐ.ഒ.ടി ഇന്റർനെറ്റ് കണകഡായ റോബോട്ടുകളുടെ പ്രവർത്തനമാണ്. ഐ.ഒ.ടി (loT) എന്നത് മനുഷ്യന്റെ ഇട പെടൽ ആവശ്യമില്ലാതെ ഇന്റർ നെറ്റിലൂടെ ഡേറ്റ ശേഖരിക്കാനും പങ്കിടാനും കൈമാറ്റം ചെ യ്യാനും കഴിയുന്ന പരസ്പരബന്ധിതമായ ഉപകരണങ്ങളുടെ ശൃംഖലയാണ്.