સિક્કાની બે બાજુ હોય છે.

હિતેન આનંદપરા

- 

જીવાઈ રહ્યું છે ને એ જોવાઈ રહ્યું છે

અસ્તિત્વ ત્યાં બે ભાગમાં વહેંચાઈ રહ્યું છે.

આપણું હોવું એ પરમેશ્વરના આશીર્વાદ આ છે, આપણું વિકસવું એ સંજોગોની સાનુકૂળતા છે, આપણું પાત્ર યોગ્ય રીતે ભજવવું એ આપણી કાર્યનિષ્ઠા છે અને આખરે ફાળે આવેલાં કાર્યો સંપન્ન કરી દુનિયામાંથી વિદાય લેવી એ જીવન-સંકેત છે. આ ચક્ર શાશ્વત છે, પણ ચક્રમાં જોડાનાર શાશ્વત નથી. દરેક જણ પોતાના સંજોગો અને સંવેદન પ્રમાણે, આવડત અને ભણતર પ્રમાણે, ઈચ્છાશક્તિ અને સંકલ્પશક્તિ પ્રમાણે આ ચક્રનો એક હિસ્સો બને છે.