சென்னையை வீழ்த்தியது ராஜஸ்தான்

நிதீஷ் ராணா, வனிந்து ஹசரங்கா அசத்தல்

- 

குவாஹாட்டி, மார்ச் 30: ஐபிஎல் போட்டியின் 11-ஆவது ஆட்டத்தில் ராஜஸ்தான் ராயல்ஸ் 6 ரன்கள் வித்தியாசத்தில் சென்னை சூப்பர் கிங்ஸை ஞாயிற்றுக்கிழமை வீழ்த்தியது.

சென்னைக்கு இது தொடர்ந்து 2-ஆவது தோல்வியாகும். இந்த ஆட்டத்தில் ராஜஸ்தான் பேட்டிங்கில் நிதீஷ் ராணா அதிரடியாக விளாச, பௌலிங்கில் வனிந்து ஹசரங்கா சென்னை பேட்டிங் வரிசையில் பலத்த சேதத்தை ஏற்படுத்தினார்.

முன்னதாக டாஸ் வென்ற சென்னை, பௌலிங்கை தேர்வு செய்தது. ராஜஸ்தான் பேட்டிங்கில் யஷஸ்வி ஜெய்ஸ்வால் 4 ரன்களுக்கு ஆட்டமிழக்க, உடன் வந்த சஞ்சு சாம்சனுடன் கூட்டணி அமைத்தார் நிதீஷ் ராணா. இவர்கள் பார்ட்னர்ஷிப் 2-ஆவது விக்கெட்டுக்கு 82 ரன்கள் சேர்த்தது.