பணியின் போது இறந்து போன ஊழியர்களின் வாரிசுதாரர்களுக்கு பணி வழங்க வேண்டும்

காரை பிரதேச அரசு ஊழியர் சம்மேளனம் கோரிக்கை

கருணை அடிப்படையில் பணி கோரி விண்ணப்பித்திருக்கும், சுகாதாரத்துறை, கால்நடை பராமரிப்பு துறை, பொதுப்பணித்துறை மற்றும் நகராட்சி, கொம்யூன் பஞ் சாயத்துகளில் பணிபுரிந்து பணியின் போது இறந்து போன ஊழியர்களின் வாரிசுதாரர்களுக்கு கருணை அடிப்படையில் பணி வழங்க வேண்டும் என காரை பிரதேச அரசு ஊழியர் சம்மேளனம் கோரிக்கை விடுத்துள்ளது.

காரைப் பிரதேச அரசு ஊழியர் சம்மேளனம் பொதுச் செயலாளர் செட் அலாவுதீன், இது குறித்து, புதுச்சேரி முதலமைச்சருக்கு அனுப்பி உள்ள கோரிக்கை மனுவில் கூறியிருப்பதாவது, புதுச்சேரி மாநிலத்தில் அரசு துறைகள், உள்ளாட்சி அமைப்புகள், தன்னாட்சி, பொதுத்துறை மற்றும் கூட்டுறவு துறைகளில் பணியாற்றி வரும் பல்வேறு ஊழியர்களின் கோரிக்கைகள் நிறைவேற்றப்படாமல் ஊழியர்கள் ஆர்ப்பாட்டம், போராட்டம், பேரணி, தொடர் போராட்டம் உள்ளிட்ட பல்வேறு வகைகளில் தங்களது கோரிக்கைகளை அரசின் கவனத்திற்கும், தங்களின் கவனத்திற்கும் கொண்டு வருகின்றனர்.

மேலும், இதில் பல்வேறு கோரிக்கைகள் நிறைவேற்றி தருவதாக சட்டமன்றத்தில் அறிவிப்பு செய்யப்பட்டும், அதுபோல் பல்வேறு கோரிக்கைகள் துறை தலைவர்களால் வாக்குறுதி அளிக்கப்பட்டு இன்று நிறைவேற்றப்படாமல் உள்ளன.