கட்டி முடிக்கப்படாத கால்வாயால் போக்குவரத்து பாதிப்பு!

சின்ன போரூரில் முடிக்கப்படாத கால்வாயால் தினந்தோறும் போக்குவரத்து பாதிப்பு ஏற்பட்டு வருகிறது.

சென்னை மாநகராட்சி, வளசரவாக்கம் மண்டலம் எண் 11, வார்டு எண் 151 சின்ன போரூர் அண்ணா சாலை மற்றும் அரசு பல் நோக்கு மருத்துவமனைக்கு செல்லும் சாலை சந்திப்பில் கடந்த மழைக்காலத்தில் மிக பெரிய பள்ளம் ஏற்பட்டது.

இந்த பள்ளத்தை மாநகராட்சி அதிகாரிகள் மற்றும் சென்னை குடிநீர் வழங்கல் மற்றும் கழிவு நீர் அகற்றல் துறை சார்பில் ஒரு மாதத்திற்கு மேலாக செப்பனிட்டனர்.

செப்பனிட்டு சில நாட்களில் மீண்டும் மிக பெரிய பள்ளம் ஏற்பட்டது. இதனால் மீண்டும் பள்ளத்தை சரி செய்தனர். ஆனால் மீண்டும் மிக பெரிய பள்ளம் ஏற்பட்டது.