પોલીસે ક્રિમિનલ્સનો ડેટા આપતાં AMCએ ગુપ્ત તપાસ શરૂ કરી: આજે પણ બુલડોઝર ફરી વળશે

કુખ્યાત બુટલેગર રાજુ ગેંડી સહિતના અપરાધીની ગેરકાયદે પ્રોપર્ટી પર હથોડા ઝીંકાશે

- 

દાદાનું બુલડોઝર ક્રિમિનલ્સના ઘર પર ફરવાનું શરૂ થઇ જતાં અમદાવાદના નાના મોટા ગુનેગાર ટેન્શનમાં આવી ગયા છે. અમદાવાદ પોલીસની ટીમે ક્રિમિનલ્સનો એક ડેટા તૈયાર કર્યો છે અને તેને અમદાવાદ મ્યુનિસિપલ કોર્પોરેશનને સોંપ્યો છે. પોલીસે ડેટા સોંપતાની સાથે જ એસએમસીની એસ્ટેટ વિભાગની ટીમે એક સિક્રેટ તપાસ શરૂ કરી છે. જેમાં આવનારા દિવસમાં મેગા ડિમોલિશન પોલીસના જાપ્તા વચ્ચે કરવામાં આવે તેવી શક્યતા છે. આજે પણ દાદાનું બુલડોઝર લિકરકિંગ ગણાતા સરદારનગરના કુખ્યાત બુટલેગર રાજુ ગેંડી સહિતના અપરાધીના ઘર પર ફરી વળશે. એએમસી ગુપ્ત તપાસ કરીને પોલીસને રિપોર્ટ આપશે અને ગેરકાયદે બાંધકામ ધરાવતા અપરાધીઓને નોટિસ આપશે.