நிறம் மாறும் கடல்...என் ?

நீலக்கடல் நிறம் மாறிப்போயிருக்கிறது. சமீபத்தில் நாசா பெருங்கடல்களை படம்பிடித்து வெளியிட்டதில் இந்த நிறமாறம் வெளிப்பட்டிருக்கிறது.

- பரிதி

கடந்த 20 ஆண்டுகளாகவே வெப்பமண்டலப் பெருங்கடல் பசுமையாக மாறியதாக ஆராய்ச்சியில் தெரியவந்துள்ளது.

அதற்கும் உரிய காரணம் இல்லாமல் இல்லை.

இந்த பச்சை வண்ணம் பெரும்பாலும், மிதக்கும் கடல் பாசிகளான பைட்டோபிளாங்க்டன் மற்றும் நுண்ணிய தாவரங்களை ஒத்திருக்கிறது. இதற்கு நைட்ரேட், பாஸ்பேட் மற்றும் சல்பர் போன்ற கனிம ஊட்டச்சத்துகள் தேவைப்படுகின்றன, அவை அடங்கிய நைட்ரஸ், சல்பர் டை ஆக்சைடுகள் பசுமை இல்ல வாயுக்களில் உள்ளன.

பசுமை இல்ல வாயுக்கள் சூரியனின் அகச்சிவப்பு கதிர்களை உறிஞ்சி வெளியிடுபவை. இந்த பசுமை இல்ல வாயுக்களில் 90% வரை கடலால் ஈர்க்கப்படுகிறது. அவை பைட்டோபிளாங்க்டனை கடல் பரப்பில் செழித்து வளரச் செய்வதால் கடல் பசுமை வண்ணம் பூணுகிறது.

அதுமட்டுமில்லாமல் பசுமை இல்ல வாயுக்களால் உற்பத்தியாகும் வெப்பமும் கடலால் உறிஞ்சப்பட்டு, கடலின் மேற்பரப்புக்கு அருகில் சேமிக்கப்படுகிறது.

அந்த வெப்பம் கடல் நீரோட்டத்தில் கலந்து கடலை வேறு பல வண்ணங்களிலும் மாற்றுகிறது.