മുടി പരിപാലനം എങ്ങനെ?

മുടി ഒരു വ്യക്തിയുടെ ആരോഗ്യത്തെയാണ് വെളിപ്പെടുത്തുന്നത്

- ഡോ. കെ.എൽ. പ്രഭ

നമ്മുടെ നാട്ടിലെ കാലാവസ്ഥയ്ക്ക് നീണ്ടമുടി അനുയോജ്യമല്ലെങ്കിലും ഒട്ടുമിക്കവരും നീണ്ടമുടിയാണ് ആഗ്രഹിക്കുന്നത്. ഇന്ത്യൻ സ്ത്രീത്വത്തിന്റെ സൗന്ദര്യമാതൃക നീണ്ടമുടിയാണെന്ന് നാം പരമ്പരാഗതമായി തന്നെ വിശ്വസിച്ചുപോരുന്നു. ഇവിടെ പൊതുവേ ഹുമിഡ് കാലാവസ്ഥയാണുള്ളത്. ഈ കാലാവസ്ഥയിലും ചൂടുകാലാവസ്ഥയിലും മുടിക്ക് പ്രത്യേക പരിചരണം ആവശ്യമാണ്. നീളം കുറഞ്ഞ മുടിയായാലും നീളം കൂടിയ മുടിയായാലും ചൂടു കാലാവസ്ഥയിൽ കൂടുതൽ ശ്രദ്ധ ആവശ്യം തന്നെ.

നീണ്ടമുടിയുടെ പ്രശ്നങ്ങൾ

നീണ്ടമുടികൾക്ക് പല പ്രശ്നങ്ങളും ഉണ്ടാകാറു ണ്ട്. വെയിലും ചൂടുമേറ്റും കാറ്റിൽ പറന്നും മുടി കൂടുതൽ വരണ്ടുപോകുന്നു. ഇതുമൂലം മുടിക്ക് വേണ്ടത്ര മിനറലുകൾ ലഭിക്കാറില്ല. ഇവയുടെ കുറവ് മൂലം മുടിയുടെ അറ്റം ചിന്നിച്ചുപോകാൻ സാദ്ധ്യത ഏറെയാണ്.

സൂര്യപ്രകാശം

അമിതമായ സൂര്യപ്രകാശം മുടിക്ക് സംരക്ഷണം നൽകുന്ന പ്രകൃതിദത്തമായ തിളക്കം നഷ്ടപ്പെടുത്തുന്നു. തുടർച്ചയായി മൂന്നുദിവസം സൂര്യപ്രകാശമേറ്റാൽ മുടിയെ സംരക്ഷിക്കുന്ന ആവരണം നശിച്ചു പോവുകയും മുടി വരണ്ട്, നിറം കെട്ട് അറ്റം പൊട്ടിപ്പോകുന്ന അവസ്ഥയിലെത്തുകയും ചെയ്യുന്നു.

എന്തുചെയ്യണം ?

യാത്ര ചെയ്യുമ്പോൾ നല്ലൊരു സ്കാർഫ് കൊണ്ട് മുടി മറയ്ക്കുക. ധാരാളം വെള്ളം കുടിക്കുന്നത് ശീലവുമാക്കുക. ഭക്ഷണത്തിൽ പ്രോട്ടീൻ ധാരാളമുള്ള വസ്തുക്കൾ ഉൾപ്പെടുത്തുക. പാലും തൈരും മറ്റും ഭക്ഷണത്തിന്റെ ഭാഗമാക്കണം.

രാസവസ്തുക്കളുടെ ഉപയോഗം

ഡൈ ചെയ്യുന്നതും പ്രത്യേക രാസവസ്തുക്കൾ ഉപയോഗിക്കുന്നതും സൂര്യപ്രകാശത്തിലെ "യു.വി രശ്മികളെ കൂടുതലായി ആകർഷിക്കുന്നു. ഇതാകട്ടെ മുടിയുടെ ആരോഗ്യത്തെയും സൗന്ദര്യത്തെയും കാലക്രമേണ നശിപ്പിക്കുന്നു.

എന്ത് ചെയ്യണം ?

ലോഹങ്ങളുടെ അംശങ്ങൾ കലർന്ന സൗന്ദര്യ വർദ്ധകവസ്തുക്കൾ ഉപയോഗിക്കരുത്.

ജലകേളികൾ