ஒரு பயணத்தின் முடிவு

ரெஹமான் பெட்டியில் எதையோ குடைந்து கொண்டிருந்தான். சின்னத் தகரப்பெட்டி. இரண்டு கால் சராய் இரண்டு நைந்து போன முழுக்கை சட்டைகள் நிக்கர் பனியன் கொண்ட அவனது சொத்து. எதைத் தேடுகிறான்?

- வாஸந்தி

என்ன தேடறே?” என்றான் கிஷோர்.

ரெஹ்மான் நிமிர்ந்து லேசாகச் சிரித்தான்.

"எதாவது சில்லறைத் தென்படுதான்னு பார்க்கறேன்.''

கிஷோர் தலைகுனிந்து கொண்டான். பிறகு புன்னகையுடன் 'நானும் தேடினேன் என் பெட்டியிலே, சராய் பாக்கெட்டிலே. ஒண்ணும் இல்லே.'

"எப்படி சமாளிக்கப் போறோம்?"

''குருத்வாராலே லங்கர் சாப்பாடு கிடைக்கும், வா போகலாம் "