മരണവീട്ടിലേയ്ക്കുള്ള യാത്ര അന്ത്യയാത്രയായി

ആറ്റിങ്ങൽ: കാർ ആറ്റിലേയ്ക്ക് മറിഞ്ഞ് രണ്ടുപേർ മരിച്ചു. ചിറയിൻകീഴ്, ആൽത്തറമൂട് താഴേവിളാകത്ത് വീട്ടിൽ മധു (51), ചിറയിൻകീഴ് പണ്ടകശാല കൊച്ചുവയൽ വീട്ടിൽ ജ്യോതി ദത്ത് (53) എന്നിവരാണ് മരിച്ചത്.

ചിറയിൻകീഴ് പുളിമൂട്ടുകടവിന് സമീപം കരുന്ത്വാ കടവിലേയ്ക്ക് പോകുന്ന റോഡിൽ നിന്നാണ് കാർ ആറ്റിലേയ്ക്ക് മറിഞ്ഞത്. വാമനപുരം നദി കായലുമായി ചേരുന്ന ഭാഗമാണിത്. വെള്ളിയാഴ്ച രാവിലെ അഞ്ചരയ്ക്കായിരുന്നു അപകടം.