ലോകാത്ഭുതങ്ങളിലൊന്നായ ഈഫൽടവ്വറും, ഫാഷൻ സിറ്റിയിലെ ലിഡോഡാൻസും

ഞങ്ങളുടെ സന്ദർശനസമയത്ത് ഭീകരാക്രമണഭീതി നിലനില്ക്കുന്ന അവസ്ഥയായിട്ടു പോലും അവിടം മുഴുവൻ വിനോദസഞ്ചാരികളെ കൊണ്ട് നിറഞ്ഞിരിക്കുകയായിരുന്നു . നാലുവശത്തുള്ള എസ്ക്ലേറ്റിൽ കൂടിയും ആളുകളെ പ്രവേശിപ്പിക്കുന്നുണ്ട് എന്നിട്ടും തിരക്കിന് കുറവൊന്നുമുണ്ടായില്ല. താഴെ നിന്ന് നോക്കുമ്പോൾ എസ്ക്ലേറ്ററിലൂടെ ആളുകൾ മുകളിലേക്ക് പ്രവേശിക്കുന്നത് ഉറുമ്പുകൾ ഇഴഞ്ഞ് നീങ്ങുന്ന പ്രതീതി ജനിപ്പിച്ചു.

- ഡോ. പി. കെ. ജയകുമാരി

പാരീസിലെ സിറ്റി കാഴ്ചകളൊക്കെ കണ്ട ശേഷം, ഏതാണ്ട് ഉച്ചയോടെ ഞങ്ങൾ ലോകാത്ഭുതങ്ങളിലൊന്നായ ഈഫൽ ടവ്വറിൽ എത്തി. 1889 ൽ ഗുസ്താവ് ഈഫൽ എന്ന എൻജിനീയർ നിർമ്മിച്ച ഈഫൽ ടവ്വർ ഇന്ന് വേൾഡ് ട്രയിഡ് സെൻറർ എന്ന പേരിലാണ് അറിയപ്പെടുന്നത്. ആദ്യമൊക്കെ ഈഫൽ ടവ്വറിനെ അംഗീകരിക്കാൻ പലരും വിമുഖത കാണിച്ചിരുന്നെങ്കിലും, ഇന്നിപ്പോൾ പാരീസ് അറിയപ്പെടുന്നതു പോലും ഈ കെട്ടിടത്തിൻറെ മികവിലാണ്. മനുഷ്യനിർമ്മിതവും ലോകാത്ഭുതങ്ങളിലൊന്നായി തെരഞ്ഞെടുക്കപ്പെട്ട തുമായ കെട്ടിടത്തിന്റെ നിർമ്മാണകാല ഘട്ടത്തിൽ എൻജിനീയറിംങ്ങ് രംഗത്ത് ഇത്രത്തോളം സാങ്കേതികമികവ് നേടിയിട്ടില്ലാത്തതിനാലാണ് ഈ കെട്ടിടം ലോകപ്രശസ്തമായത്.1930 - ൽ ക്രിസ്റ്റർ എന്ന ഏറ്റവും ഉയരം കൂടിയ ടവർ ന്യൂ യോർക്കിൽ പണിയുന്നത് വരെ ഇതായിരുന്നു ലോകത്തിലെ ഏറ്റവും ഉയരം കൂടിയ കെട്ടിടം. ഈ കെട്ടിടത്തിന്റെ നാലുവശത്തുമുള്ള തൂണുകളുടെ ചുറ്റിനും 125 മീറ്റർ വ്യാപ്തിയുണ്ട്. ഇത് പോലുള്ള നാലു തൂണുകൾ മദ്ധ്യഭാഗത്ത് കൂട്ടിയോജിച്ച് മുകളിലേക്ക് ഒന്നായി പോവുന്നു. 324 മീറ്റർ ഉയരമുള്ള ഈ കെട്ടിടത്തിന് 81 നിലകളുടെ വലിപ്പമുണ്ട്.