നറുപുഞ്ചിരിയുടെ വിജയശിൽപി ഡോ. വർഗീസ് കെ പൗലോസ്

ആവശ്യമല്ലാതെ ഞങ്ങൾ പല്ല് പറിച്ചെടുക്കില്ല. ഒരു പല്ല് രക്ഷിക്കുന്നത് ഒരു ജീവൻ രക്ഷിക്കുന്നതിന് തുല്യമാണ് ഞങ്ങൾക്ക്.

ദന്തചികിത്സാരംഗത്ത് 17 വർഷത്തെ പ്രവർത്തനപരിചയമുള്ള, പുഞ്ചിരിയുടെ വൈവിധ്യങ്ങളെ പുനഃർനിർവ്വചിച്ച ഡോക്ടർ. ദന്തപരിചരണത്തിൽ ആഗോളനിലവാരവും നൂതന സാങ്കേതിക വിദ്യകളും സഹാനുഭൂതിയുടെയും അഭിനിവേശത്തിന്റെയും സമന്വയത്തോടെ പ്രാവർത്തികമാക്കുകയാണ് ഈ യുവഡോക്ടർ. ദന്തരോഗവിദഗ്ദ്ധൻ, ഓർത്തോഡോണ്ടിസ്റ്റ്, ഇംപ്ലാന്റോളജിസ്റ്റ്, ടെക് മാന്ത്രികൻ, കോലഞ്ചേരിയി ലെ നെച്ചുപാടം ഡെന്റൽ ക്ലിനിക്കിന്റെ അമരക്കാരൻ, ഇതിലൊക്കെയുപരി മികച്ചൊരു ഫോട്ടോഗ്രാഫർ കൂടിയാണ് അദ്ദേഹം. യുണീക്ക് ടൈംസിന് നൽകിയ പ്രത്യേക അഭിമുഖത്തിൽ, തൻറെ ഡെന്റൽ ക്ലിനിക്കിനെക്കുറിച്ചും ദന്തചികിത്സകളിൽ പുതിയതായി ഉപയോഗിക്കുന്ന അത്യാധുനിക സാങ്കേതികവിദ്യയെക്കുറിച്ചും ആരോഗ്യടൂറിസത്തിനുള്ള സംഭാവനകളെക്കുറിച്ചും ചികിത്സയോടുള്ള തന്റെ ബഹുമുഖസമീപനത്തെക്കുറിച്ചുമൊക്കെ വിശദമാക്കുകയാണ് ഡോ. വർഗ്ഗീസ് കെ പൗലോസ്.

ഒരു മഹത്തായ പൈതൃകത്തിന്റെ അതിരുകൾ വിപുലപ്പെടുത്തുന്നു

ഏകദേശം 60 വർഷങ്ങൾക്ക് മുൻപ് പിതാവായ ഡോ. കെ.ടി. പൗലോസാണ് നെച്ചുപാടം ക്ലിനിക്ക് സ്ഥാപിച്ചത്. ദന്തപരിചരണത്തിൽ പ്രകടമാകുന്ന അഭിനിവേശത്തെയും പ്രൊഫഷണൽ വൈദഗ്ധ്യത്തിന്റെയും സാങ്കേതിക വൈ ദഗ്ധ്യത്തിന്റെയും കാരണങ്ങളെക്കുറിച്ചാരാഞ്ഞപ്പോൾ അദ്ദേഹം പറഞ്ഞത്, " കുടുംബത്തിൽ അരനൂറ്റാണ്ടിലേറെയായി നീണ്ടുനിൽക്കുന്ന മഹത്തായ ഒരു ചികിത്സാ പാരമ്പര്യമുണ്ട്. എനിക്ക് ദന്തചികിത്സയിലായിരുന്നു ഏറെ താല്പര്യം," തന്റെ നാല് സഹോദരന്മാരും പിതാവിന്റെ പാത പിന്തുടരുന്നുണ്ടന്നും അദ്ദേഹം ചൂണ്ടിക്കാണിക്കുന്നു. വിദ്യാർത്ഥിയായിരിക്കുമ്പോൾ തന്റെ മനസ്സിൽ രണ്ട് കരിയർ ഓപ്ഷനുകൾ ഉണ്ടായിരുന്നുവെന്ന് ഡോക്ടർ വർഗ്ഗീസ് വിശദീകരിക്കുന്നു. "ഒരാൾ കാർഡിയോ തൊറാസിക് സർജ്ജനായും മറ്റേയാൾ ന്യൂറോ സർജ്ജനായും മാറി. കുടുംബാഭിമുഖ്യമുള്ള ആളായതിനാൽ, ഈ രണ്ട് തൊഴിലുകളും കുടുംബത്തിനോടൊപ്പം ചിലവഴിക്കാൻ വേണ്ടത്ര സമയം നൽകുന്നില്ലെന്ന് ഞാൻ മനസ്സിലാക്കി. അതിനാൽ, ഞാൻ ദന്തചികിത്സ തിരഞ്ഞെടുത്തു. എന്റെ ഹോബികൾ പിന്തുടരാനും എന്റെ കുടുംബത്തോടൊപ്പം കഴിയാനും എനിക്ക് ധാരാളം സമയം ആവശ്യമാണ്. ദന്തചികിത്സ അത് സാധ്യമാക്കുന്നു. എന്റെ പിതാവ് അദ്ദേഹത്തിന്റെ ആഗ്രഹങ്ങൾ നിറവേറ്റുന്നതിനായി ധാരാളം സമയം ചെലവഴിക്കുന്നത് ഞാൻ കണ്ടിട്ടുണ്ട്," അദ്ദേഹം പുഞ്ചിരിയോടെ പറയുന്നു. "ഞങ്ങൾ ചെയ്യേണ്ടത് ആ പൈതൃകം അടുത്ത ഘട്ടത്തിലേക്ക് കൊണ്ടുപോകുകയെന്നതാണ്."