நிலவில் நிலம்!

அன்று மாலையில் தோட்டத்தில் உள்ள மைதானத்தில் ராபி குதிரை, ரௌனக் முயல் மற்றும் கரிமா ஆடு வழக்கம் போல் கிரிக்கெட் விளையாடிக் கொண்டிருந்தன. 

- அல்கா

அப்போது பந்து ரௌனக் முயல் காது அருகே விழுந்தது. இது அதை சங்கடப்பத்தியது. உடனே ரௌனக் முயல் அங்கே உட்கார்ந்தது.

"நான் பகலில் நட்சத்திரங்களை பார்க்கிறேன்'' என்று புலம்பியது. அதை கண்டு ராபியும், கரிமாவும் பயந்தன. உடனே ரௌனக், "இந்த முறை என் அம்மாவின் பிறந்த நாளுக்கு என்ன பரிசு கொடுக்கிறேன் தெரியுமா?" என்று இருவரையும் பார்த்து கேட்டது. அதை கேட்ட ராபியும் கரிமாவும் ஒருமித்த குரலில் "எங்களுக்கு எப்படி தெரியும்? அதை ஏன் எங்களிடம் சொல்லவில்லை? உங்கள் அம்மாவுக்கு என்ன கொடுக்க போகிறாய்? அம்மாவுக்கு பிடித்த கேரட் அல்வா செய்ய போகிறாயா?" என்று ஆர்வமாக கேட்டன. அதற்கு ரௌனக், "இல்லை, அம்மா ஏற்கனவே இருபது முறை கேரட் அல்வா செய்திருக்கிறாள். சந்திரன் தொலைவில் இருப்பதை பார்த்து இரவில் எனக்கு தாலாட்டு பாடுகிறார். ஆனால் சந்திராயன் நிலவில் இறங்கியதிலிருந்து நான் புதிய முடிவை எடுத்துள்ளேன். எனவே அதை செய்ய இருக்கிறேன்" என்று கூறியது.