బిర్యానీ డిష్

బిర్యానీ డిష్

- కథ • వందనా గుప్తా

కోకో కో కాకికి పాటలంటే ఎంతో ఇష్టం. వాటిని వింటూ ఆనందం పొందేవాడు. పెద్ద గొంతుతో అనుకరించే వాడు.

ఒక రోజు గట్టిగా పాడుతున్నాడు. ఆ సమయంలో సమీపంలో ఉన్న ఒక చెట్టుపై నివసిస్తున్న బుల్ బుల్ పిట్ట కుటుంబంలోని పిల్లలు చదువుకుంటున్నారు.

“మమ్మీ, కోకో అంకుల్ గొంతెత్తి గట్టిగా పాడుతుంటే మేము చదువుకోలేము” పిల్లలు తల్లికి ఫిర్యాదు చేసారు.

“అతడు కర్ణ కఠోరంగా కావ్ కావ్ మని అరుస్తున్నాడు. నాకూ తలనొప్పిగా ఉంది. ఇప్పుడే వెళ్లి ఆపమని చెబుతాను” అని వాళ్ల నాన్న కోపంగా కోకో ఇంటికి వెళ్లడానికి లేచాడు.

బుల్బుల్ పిట్టల తల్లి నీనా అతన్ని ఆపింది.

“ఇలా మనం ఇరుగు పొరుగు వారితో గొడవ పెట్టుకోవడం సరికాదు” అని చెప్పింది.

“మరి ఏం చేస్తాం? ఆ భయంకరమైన గొంతును భరిస్తూ ఉంటామా? ఇక్కడ బతకడం కష్టంగా మారింది.”

“నేను అతనితో మాట్లాడుతాను" అంది నీనా. తర్వాత కోకో ఇంటికి వెళ్లింది.

“వావ్! కోకో, మీరు ఎంత మంచిగా పాడుతున్నారు. ఇంత గొప్ప గాయకులు మా పరిసరాల్లో నివసిస్తున్నారని నేను ఈ రోజే తెలుసుకున్నాను” అంది కోకోతో.

"లేదు, మీరు అతిశయోక్తి చేస్తున్నారు” సిగ్గుపడుతూ చెప్పాడు కోకో.

“కాదు, అయినా మీ విలువైన గొంతును ఇలా ఎందుకు వృథా చేసుకోవాలి? అందరూ టిక్కెట్లు కొని పాటను ఆస్వాదించే స్టేజీపై మీరు పాడాలి.”

"దానికి నేను ఎంతో సాధన చేయాల్సి ఉంటుంది” అన్నాడు కోకో.

“కానీ అందరి ముందు మీరు ఇలా ప్రాక్టీసు చేయకండి. టికెట్ కొనుక్కోకుండా ఉచితంగా మీ గొంతు వినేలా చేసుకోకండి" అని చెప్పి నీనా వెళ్లిపోయింది.

కోకో గాన కచేరీ గురించి ఆలోచించసాగాడు.

‘ఫంక్షన్లలో అందరూ పాడుతారు, కానీ నేను భిన్నంగా ఏదైనా చేయాలి. గొప్ప సంగీత విద్వాంసుల గురించి తెలుసుకుని ఇది మొదలు పెట్టాలి' అనుకున్నాడు.