సంకల్పమే సగం బలం

ఊపి జింక ప్రతి రోజూ నిద్ర లేచిన తర్వాత ఉదయాన్నే పరుగెత్తేవాడు. అతను అలా పరుగెత్తడం చూసి ఒక రోజు బ్లాకీ ఎలుగుబంటి "ఊఫీ నువ్వు పరుగు ప్రాక్టీస్ చేయడానికి రోజూ ఇలా ఇంత తొందరగా లేచి ఆ తర్వాత స్కూల్కి వస్తావు కదా. నీకు అంత అవసరమా?” అని అడిగాడు.

- కథ • అల్కాజైన్

ఊపి జింక ప్రతి రోజూ నిద్ర లేచిన తర్వాత ఉదయాన్నే పరుగెత్తేవాడు. అతను అలా పరుగెత్తడం చూసి ఒక రోజు బ్లాకీ ఎలుగుబంటి "ఊఫీ నువ్వు పరుగు ప్రాక్టీస్ చేయడానికి రోజూ ఇలా ఇంత తొందరగా లేచి ఆ తర్వాత స్కూల్కి వస్తావు కదా. నీకు అంత అవసరమా?” అని అడిగాడు.

ఊఫీ దానికి బదులిస్తూ “ఉపాధ్యాయ దినోత్సవం రోజున పాఠశాలలో జరిగే ఇంటర్ స్కూల్ రేసులో నేను గెలవాలని అనుకుంటున్నాను. అందుకే ప్రాక్టీస్ చేస్తున్నాను. నేను ఇప్పుడు ఇంటికి వెళ్లి తయారై వస్తాను. స్కూల్లో కలుద్దాం" అంటూ ఊఫీ తన ఇంటివైపు తిరిగి పరుగెత్తాడు. తల్లి అతని కోసం పాలు, క్యారెట్లతో అల్పాహారం సిద్ధం చేసి పెట్టింది. ఊఫీ బ్రేక్ఫాస్ట్ చేసి త్వరగా రెడీ అయ్యి స్కూల్కి పరుగెత్తాడు. తన లాగే బడిలో చాలామంది పిల్లలు రేసు ప్రాక్టీస్ చేస్తూ పొద్దున్నే అడవిలో పరుగెత్తడం కనిపించారు.

ఉపాధ్యాయ దినోత్సవం రోజున జరిగిన రేసులో గెలిచి ముఖ్య అతిథి అథ్లెట్ చాపల్ చిరుత నుంచి బహుమతిని అందుకోవాలని ఊఫీ లక్ష్యంగా పెట్టుకున్నాడు. పాఠశాల కారిడార్లో ఊఫీకి పాఠశాల ప్రిన్సిపాల్ హట్టూ ఏనుగు ఎదురయ్యాడు. "చెప్పు ఊఫీ, రేసు కోసం నీ ప్రాక్టీసు ఎలా జరుగుతున్నది? ఇతర పాఠశాలల పిల్లలు కూడా పాల్గొంటారట. రేపు రేసులో మన పాఠశాల నుంచి ఎవరు ప్రాతినిధ్యం వహించాలన్నది నిర్ణయించడానికి తుది ఎంపిక జరుగుతుంది" అన్నాడు.

“నేను చాలా బాగానే ప్రాక్టీసు చేస్తున్నాను సార్. నేను పాఠశాల తరపున పాల్గొనాలని అనుకుంటున్నాను” అని జవాబిచ్చాడు ఊఫీ.

“ఆ అదృష్టం ఎవరికి దక్కుతుందో! రేపు ఏం జరుగుతుందో చూద్దాం” అన్నాడు ప్రిన్సిపాల్.

ఊఫీ పాఠశాల ముగిసిన తర్వాత ఇంటికి తిరిగి వచ్చినప్పుడు కొంచెం అలసిపోయాడు. అయితే దాన్ని పట్టించుకోకుండా తన హెూంవర్క్ పూర్తి చేసి రన్నింగ్ ప్రాక్టీస్ కోసం బయలుదేరాడు. కానీ అలసట వల్ల రోజులాగా మామూలుగా పరుగెత్తలేనని అతనికి అర్థమైంది. బ్లాకీ కూడా అలసిపోయి ఇంటికి చేరాడు. బ్లాకీ తేనె రాసిన రొట్టెని తింటున్నప్పుడు ఊఫీని చూసి “ఏం అలా ఉన్నావు?" అని అడిగాడు.