ഉറുമ്പേട്ടുകാലി

പി. ഭാസ്കരൻ മെമ്മോറിയൽ ഗവ. എച്ച്.എസ്.എസ്. കൊടുങ്ങല്ലൂർ, തൃശ്ശൂർ

ശത്രുക്കളിൽ നിന്ന് രക്ഷപ്പെടാൻ ജീവികൾ പലതരം തന്ത്രങ്ങൾ പ്രയോഗിക്കാറുണ്ട്. അതിൽ വളരെ പ്രധാനപ്പെട്ടതും ഏറ്റവും കൂടുതലായി ഉപയോഗി ക്കുന്നതുമായ ഒരു തന്ത്രമാണ് കേമോം ഷിങ്ങ് (Camouflaging). അതായത് മറഞ്ഞിരുന്നു കൊണ്ട് ഇരപിടിക്കുകയോ ജീവൻ രക്ഷിക്കുകയോ ചെയ്യുക. ഉദാഹരണമായി പച്ച നിറത്തിലുള്ള ജീവികൾ ഇലകളിൽ വന്നിരിക്കുമ്പോൾ ശത്രുക്കൾക്ക് പെട്ടെന്ന് ഇവരെ കണ്ടെത്താൻ സാധിക്കില്ല. എന്നാൽ ചില ജീവികൾ ഇതിനേക്കാളൊക്കെ വിജയ സാധ്യതയുള്ള മറ്റൊരു സൂത്രം പ്രയോഗിക്കാറുണ്ട്. അവർ ആൾമാറാട്ടം നടത്തി വേറെ ഒരു ജീവിയെ അനുകരിക്കും. അങ്ങനെയുള്ള സൂത്രക്കാരനായ ഒരു ജീവിയെപ്പറ്റിയാണ് ഇനി പറയുന്നത്.