ബ്രസിലിലും അഫ്ഗാനിലും മഹാപ്രളയം

ആഗോളതാപനത്തിന്റെ ദുരന്തപ്രതീതി ഉയർത്തിയാണ് രണ്ടു രാജ്യങ്ങളെയും പ്രളയം തകർത്തത്

- അജീഷ് മുരളീധരൻ

അപ്രതീക്ഷിത മഹാപ്രളയത്തിന്റെ ആഘാതത്തിൽനിന്നു ബ്രസീലും അഫ്ഗാനിസ്ഥാനും കരകയറിയിട്ടില്ല. ഈ മാസം തുടക്കത്തിൽ ശക്തമായ അതിവർഷത്തിന്റെ ഫലമായ മഹാപ്രളയത്തിൽ ബ്രസീലിൽ നൂറിലേറെപ്പേരാണു മരിച്ചത്. നാനൂറിലേറെ പട്ടണങ്ങൾ വെള്ളത്തിനടിയിലാവുകയും ചെയ്തു. വീടുകൾ മുങ്ങിയതിനെത്തുടർന്ന് നാലു ലക്ഷത്തോളം പേർ അഭയാർഥി ക്യാംപുകളിലേക്കു മാറി. ഇരുനൂറിലേറെപ്പേരെ കാണാതായി.

അഫ്ഗാനിസ്ഥാന്റെ വടക്കൻ പ്രവിശ്യയായ ബഗ്ലാനിൽ ഉണ്ടായ മിന്നൽ പ്രളയത്തിൽ മുന്നൂറിലേറെപ്പേരാണു മരിച്ചത്. ആയിരത്തിലേറെ വീടുകൾ തകർന്നു. പലയിടത്തും കൃഷിഭൂമി പാടേ ഒഴുകിപ്പോയി. ആഴ്ചകളായി മേഖലയിൽ പെയ്ത കനത്ത മഴയെത്തുടർന്നായിരുന്നു പ്രളയം.

ഒറ്റപ്പെട്ട് ഒരു സംസ്ഥാനം