சென்னை மழை வெள்ளம்... தடுக்க என்ன வழி...வழிகாட்டுகிறது ஹாங்காங்கும் ஜப்பானும்!.

வரலாறு காணாத பெரு மழையை மீண்டும் சந் தித்திருக்கிறது சென்னை பெருநகரம்.

- மு.ராமனாதன்

மிக்ஜாம் புயலால் சுமார் 36 மணிநேரத்தில் 40 முதல் 56 செமீ மழைப்பொழிவு ஏற்பட்டு வெள்ளக்காடானது சென்னையும் அதன் புறநகர் பகுதிகளும்.

ஒவ்வொரு ஆண்டும் வட கிழக்குப் பருவ மழைக்காலங்க ளின்போது சென்னைப் பெரு நகரம் மழை வெள்ளத்தால் பாதிக்கப்படுவது இயல்பாகி விட்டது. இங்கு மட்டுமல்ல. உலகம் முழுவதும் புயலால் தாக்கப்படும் அனைத்து நக ரங்களும் மழை வெள்ளத்தால் பாதிக்கப்படுவதும் பிறகு மீண் டெழுவதும் தொடர்கதைதான்.

ஆனால்,அந்நாடுகள் எப்படி மழைநீரை வெளியேற்றி பிரச் னைகளிலிருந்து தப்பிக்கின்றன என்பதைத்தான் நாம் பாடமா கப் படிக்க வேண்டும் என்கின்ற னர் நிபுணர்கள்.

ஆசியாவைப் பொறுத்தவரை ஜப்பான், ஹாங்காங், சிங்கப் பூர், இந்தோனேஷியா, பிலிப் பைன்ஸ், தைவான், சீனா, வியட் நாம், பங்களாதேஷ், மியான்மர், இந்தியா உள்ளிட்டவை அதிக புயல் மற்றும் மழை வெள்ளத் தால் பாதிக்கப்படும் நாடுகள்.

உலகளவில் அமெரிக்காவின் ஃப்ளோரிடா, ஹவாய், கியூபா, மடகாஸ்கர், ஆஸ்திரேலியா என நீண்ட பட்டியல் உள்ளது.

இதில் ஆசியாவில் வளர்ந்த நாடுகளான ஜப்பானும், ஹாங் காங்கும், சிங்கப்பூரும் மழை வெள்ள நீருக்கென்று தனியே ஒரு சிஸ்டத்தையே வைத்துள்ள னர். குறிப்பாக ஹாங்காங் இந்த மழைவெள்ளநீர் வெளியேற்றுவ தில் பல்வேறு நாடுகளுக்கு முன் மாதிரியாகத் திகழ்கிறது.

இனி சென்னையும் இதுபோ லான பெருமழை வெள்ளநீரில் இருந்து தப்பிக்க, இந்நாடுகளின் தொழில்நுட்பங்களைப் பின்பற்ற வேண்டியது அவசியம் என்கின்ற னர் நிபுணர்கள்.

இதுகுறித்து, ஹாங்காங்கின் பதிவு பெற்ற பொறியாளராக இருந்தவரும், இந்தியா, சவுதி அரேபியா ஆகிய நாடுகளின் உள் கட்டமைப்புத்திட்டங்களில் பணி யாற்றியவருமான எழுத்தாளர் மு.ராமனாதனிடம் பேசினோம்.

"சமீபகாலமாக காலநிலை மாற்றத்தால் குறுகிய நேரத்தில் அதிக மழைப்பொழிவு ஏற்படு கிறது. ஐ.நாவின் காலநிலை அமைப்பான ஐபிசிசி, 'இந்த மாதிரியான பேரிடர்கள் இனி அதிகம் வரும்'னும், குறிப்பாக குறைந்த இடைவெளியில் அதிக ளவு மழைப்பொழிவு இருக்கும் னும் எச்சரிக்கறாங்க.

கடந்த இரண்டு ஆண்டுக ளாக தமிழக அரசும் மழைநீர் வடிகால் பணிகளை சாலையோ ரங்களில் செய்து வருவதை பார்க் கிறோம். இந்தப் பணி இன்னும் முடிவடையலனு சொல்றாங்க.