പൂക്കാലം കൊഴിയുന്നു.ഇനിയെന്ത്....?

ഒരുകാലത്ത് പ്രിയന്റെ ചിത്രങ്ങളിലെ അവിഭാജ്യഘടകങ്ങളായിരുന്നു അവരെല്ലാം

- അനീഷ് മോഹനചന്ദ്രൻ

എനിക്കിനി ഒരിക്കലും പഴയതുപോലെ സിനിമകൾ ചെയ്യാൻ സാധിക്കില്ല. എഴുതാനായി പേന കയ്യിലെടുക്കുമ്പോൾ ആദ്യം മനസ്സിലേക്ക് ഓടിയെത്തുന്നത് ഇന്നസെന്റിന്റേയും പപ്പുച്ചേട്ടന്റേയുമൊക്കെ മുഖമാണ്. അവരൊന്നുമില്ലാത്ത ഒരു സിനിമ എനിക്ക് ചിന്തിക്കൻ പോലും സാധിക്കുന്നില്ല. ഈയൊരു സാഹചര്യത്തിലാണ് കൊറോണ പേപ്പേഴ്സ് പോലെ വേറിട്ട പരീക്ഷണങ്ങൾ നടത്തുന്നത്. നെടുമുടി വേണുവും തിലകൻ ചേട്ടനൊന്നുമില്ലാതെ ഇനി എനിക്ക് എങ്ങനെ ഒരു തിരക്കഥ എഴുതാൻ സാധിക്കും? അതോർക്കു മ്പോൾ തന്നെ ഒരു നീറ്റലാണ് മനസ്സിൽ.. സംവിധായകൻ പ്രിയദർശൻ അടുത്തിടെ ഒരു അഭിമുഖത്തിൽ പറഞ്ഞ വാക്കുകളാണിത്. മലയാളത്തിലെ എക്കാലത്തേയും മികച്ച ഹിറ്റ് സിനിമകൾ സമ്മാനിച്ച, മലയാളിയുടെ കുടുകുടാ ചിരിപ്പിച്ച പ്രിയ ദർശന്റെ വാക്കുകൾക്ക് മാനമേറെയാണ്. കാരണം കഴിഞ്ഞ കുറച്ചുനാളുകളായി മലയാളത്തിന് നഷ്ടമായിക്കൊണ്ടിരിക്കുന്നത് പ്രതിഭാധനന്മാരായ ഒരുപിടി അഭിനേതാക്കളെയാണ്.