മലയാള സിനിമ ഇന്ന് നായികമാർ ഇല്ലാത്തൊരിടം

മലയാള സിനിമാ നൂറിനോട് അടുക്കുമ്പോഴും ഇന്നും മലയാളത്തിന്റെ നായികമാർ ജയഭാരതിയും ഷീലയും ഗീതയും ഉർവ്വശിയും ശോഭനയും മാത്രമായി ചുരുക്കപ്പെടുന്നു.മലയാള സിനിമാ നൂറിനോട് അടുക്കുമ്പോഴും ഇന്നും മലയാളത്തിന്റെ നായികമാർ ജയഭാരതിയും ഷീലയും ഗീതയും ഉർവ്വശിയും ശോഭനയും മാത്രമായി ചുരുക്കപ്പെടുന്നു.

- ബിന്ദു പി.പി

ആദ്യനായിക പി.കെ. റോസിയെ ആട്ടി യോടിച്ച അതേ ഈ മണ്ണിൽ മലയാളികളെ ഉല്ലസിപ്പിച്ച് ചിരിപ്പിച്ച കരയിപ്പിച്ച എത്രയേറെ നായികാപരിവേഷങ്ങൾ മലയാള സിനിമ നൂറിനോട് അടുക്കുമ്പോൾ കടന്നുപോയിരിക്കുന്നു. ആദ്യകാലത്ത് നായകന്മാരോട് മല്ലിട്ട് സ്വന്തമായ ഐഡന്റിറ്റിയുണ്ടാക്കിയെടുത്തവരാണ് ഷീലയും അംബികയും രാഗിണിയും പത്മിനിയുമെല്ലാം മറ്റു ഇൻഡസ്ട്രികളിൽ നായകന്റെ നിഴലായി മാത്രം നായികമാർ ഒതുങ്ങുമ്പോൾ ഇവിടെ സ്വന്തമായ സ്പേസ് എപ്പോഴും അവർക്കുണ്ടായിരുന്നു. 1980 കളിൽ മലയാളത്തിന് മമ്മൂട്ടിയും മോഹൻലാലും എന്ന രണ്ട് സൂപ്പർ താരങ്ങളുടെ താരോദയം സംഭവിച്ചു. അവർക്കൊപ്പം അഭിനയമികവ് തീർക്കാനായി ഒരുകൂട്ടം നായികമാർ മലയാളസിനിമയുടെ ഓരം ചേർന്നു. എൺപതുകളിൽ നമ്മളെ വിസ്മയിപ്പിച്ച അതേ നായികമാർ തന്നെയാണ് ഇന്നുള്ള പ്രേക്ഷകരുടെയും പ്രിയപ്പെട്ട നായികമാർ എന്ന് ഓർക്കുമ്പോൾ തന്നെ അവർ ഇവിടെ ആടിത്തീർത്ത കഥാപാത്രങ്ങൾ എത്രത്തോളം ശക്തമെന്ന് ഊഹിക്കാവുന്നതാണല്ലോ...! രണ്ടായിരത്തിനുശേഷം എത്ര നായികമാരെ നമ്മൾ കണ്ടു. എന്തുകൊണ്ടായിരിക്കും അവരെല്ലാം ഒന്നോ രണ്ടോ സിനിമകൾക്കപ്പുറം ഇവിടെ നിലകൊള്ളാത്തത്. അഭിനയിച്ച അതേ പാറ്റേണിലുള്ള കഥാപാത്രങ്ങൾ മാത്രം അവരെ തേടിയെത്തുന്നത് എന്തുകൊണ്ടായിരിക്കാം. പലപ്പോഴും കഥാപാത്രങ്ങളിൽ നിന്ന് വിട്ട് അവരുടെ വ്യക്തിത്വം നമുക്ക് സ്ക്രീനിൽ കാണാൻ കഴിയുന്നു. സ്ത്രീ കഥാപാത്രങ്ങളെ എക്സ്പോസ് ചെയ്യാൻ കഴിയാത്ത തിരക്കഥകൾ വരാഞ്ഞിട്ടാണോ? എന്താണ് മലയാളസിനിമയിലെ നായികമാർക്ക് സംഭവിക്കുന്നത്?