ഒരു സെൽഫി കഥ

ബാലതാരമായി സിനിമാരംഗത്തേയ്ക്ക് പ്രവേശിച്ച കൃഷ്ണൻ, ജീവിതത്തിൽ നടൻ, വിദ്യാർത്ഥി, പാചകം, റെസ്റ്റോറന്റ് മുതലാളി എന്നിങ്ങനെ വിവിധ വേഷങ്ങളിൽ തിളങ്ങുന്നു. കൃഷ്ണന്റെ അഭിനയത്തിന്റെ ഒരു സിൽവർ ജൂബിലിക്കഥ ഇടാ...

- അപ്പൂസ് കെ.എസ്

25 വർഷം സിനിമയിൽ തികച്ചിരിക്കുന്നു. പ്രേക്ഷകർ ഇപ്പോഴും താങ്കളെ ഒരു യുവനടൻ എന്ന രീതിയിൽ തന്നെയാണ് കണക്കാക്കുന്നത്. അതെന്താവും കാരണം?

വളരെ കുറച്ച് സിനിമകളെ ചെയ്തിട്ടുള്ളൂ. ജനങ്ങളുടെ മനസ്സിൽ എന്നും നിലനിൽക്കുന്ന വേഷങ്ങൾ ചെയ്തത് കൊണ്ടായിരിക്കണം അവർ എപ്പോഴും എന്നെ ഓർമ്മിക്കുന്നത്. 25 വർഷം കഴിഞ്ഞുവെന്ന കാര്യം വിശ്വസിക്കാനാവുന്നില്ല.

ഒരു പക്കാ സിനിമാ കുടുംബത്തിൽ ജനിച്ച വ്യക്തിയാണ് എന്നിട്ടും?

 ഞാനും ഒരു പക്കാ സിനിമാ കുടുംബക്കാരനാണ്. ലളിത പത്മിനി രാഗിണിമാരുടെ കൊച്ചുമകൻ എന്ന പേര് എപ്പോഴുമുണ്ട്. ശോഭനച്ചേച്ചിയോടാണ് ഞാനേറ്റവും കൂട്ട്.

സിനിമാകുടുംബത്തിലായതുകൊണ്ട് സിനിമ തന്നെയാണ് ജീവിതം എന്നുറപ്പിച്ചിരുന്നോ?

ഫാസിലിന്റെ 'നോക്കെത്താ ദൂരത്ത് കണ്ണുംനട്ട്' എന്ന സിനിമയിൽ ചെറിയൊരു റോൾ ചെയ്തിരുന്നു. ഒരു ചൈൽഡ് ആർട്ടിസ്റ്റ് ആയിട്ടായിരുന്നു. പിന്നെ ശോഭനച്ചേച്ചിയുടെ കൂടെ മണിച്ചിത്രത്താഴിന്റെ സെറ്റിലും പോയിട്ടുണ്ട്. അവിടന്നൊക്കെയാവണം എനിക്ക് സിനിമയോട് ഇഷ്ടം തുടങ്ങുന്നത്. ആ ഇഷ്ടം വളർന്നു. പിന്നെ ഓഡിഷനുകൾ അറ്റൻഡ് ചെയ്തു. അങ്ങനെ ഷാജഹാൻ' സംഭവിച്ചു.