ആ ചിരിയാണ് യഥാർത്ഥ സംഗീതം...

ആട്ടിയകറ്റിയ ഗർവ്വിനോട് നീ ചിരിച്ച ചിരിയാണ് യഥാർത്ഥ സംഗീതം

- അനീഷ് മോഹനചന്ദ്രൻ

മലയാളസിനിമയെക്കുറിച്ച് പറയുമ്പോൾ ന്യൂജെൻ സിനിമകളെന്നും ഓൾഡ്ജെൻ സിനിമകളെന്നും പറയുന്നത് സ്വാഭാവികം. അതിൽ ന്യൂജെൻ എന്നുപറയുമ്പോൾ ഓർമ്മയിലെത്തുന്നതൊക്കെയും നെഗറ്റീവ് വാർത്തക ളാകുന്നത് ഒരു സമകാലിക യാഥാർത്ഥ്യമാണ്. സെറ്റിൽ കൃത്യസമയത്ത് എത്താത്ത, പ്രൊഡ്യൂസർമാരെ വട്ടംചുറ്റി ക്കുന്ന, ലഹരിക്ക് അടിമപ്പെട്ട ന്യൂജെൻ താരങ്ങളെക്കുറിച്ചുള്ള വാർത്തകളാണ് നാം കാണുന്നതിലും കേൾക്കുന്നതിലും അധികവും. ഒറ്റപ്പെട്ടെങ്കിലും പോസിറ്റീവ് വാർത്തകൾ വരാറുണ്ട് എന്നത് നേരാണെങ്കിലും ഭൂരിപക്ഷം നെഗറ്റീവ് ആംഗിളിലാണ് എന്നതു കൊണ്ട് അത് എടുത്തുപറയുന്നെന്ന് മാത്രം. അതേസമയം, മലയാളത്തിലെ ന്യൂജെൻ താരങ്ങളിൽ മുൻനിരക്കാരനായ നടൻ ആസിഫ് അലിയു മായി ബന്ധപ്പെട്ട് അടുത്തിടെ ഉയർന്ന ഒരു വിവാദം ന്യൂജെൻ താരങ്ങൾക്കൊന്നടങ്കം അഭിമാനത്തിന് വഴിയൊരുക്കിയിരിക്കുകയാണ്.