ലളിതം സുന്ദരം ഈ വില്ലനിസം!!

1985 മുതൽ അമച്വർ നാടകരംഗത്ത് സജീവമായിരുന്ന ഞാൻ വളരെ യാദൃച്ഛികമായിട്ടാണ് സിനിമയിൽ എത്തിച്ചേരുന്നത്

- രജനി കൃഷ്ണ

1985 മുതൽ അമച്വർ നാടകരംഗത്ത് സജീവമായിരുന്ന ഞാൻ വളരെ യാദൃച്ഛികമായിട്ടാണ് സിനിമയിൽ എത്തിച്ചേരുന്നത്. സംവിധായകൻ സനൽകുമാർ ശശിധരൻ തന്റെ ഒരു സിനിമയ്ക്ക് വേണ്ടി തിരുവനന്തപുരത്തെ നാടക ക്കാരെ അന്വേഷിച്ച കൂട്ടത്തിൽ, എന്നെ കണ്ടുപിടിക്കുകയും, എന്നിലേക്ക് എത്തിച്ചേരുകയും ആയിരുന്നു. അങ്ങനെയാണ് ആദ്യസിനിമ സനലിന്റെ ഒഴിവുദിവസത്തെ കളി എന്നതായത്. അപ്രതീക്ഷിതമായി സിനിമയിൽ എത്തിയ എന്നേത്തേടി പിന്നീട് പല കഥാപാത്രങ്ങളും വന്നതോടെ നാടകനടൻ നിസ്താറിനെ സിനിമയിൽ ഉള്ളവർ "നിസ്താർ അഹമ്മദ് സേട്ട്' എന്ന് എന്റെ അനുവാദം ഇല്ലാതെതന്നെ നീട്ടി വിളിച്ചു.

ദി ഗ്രേറ്റ് ഫാദർ, വെളി പാടിന്റെ പുസ്തകം, വിമാനം, പൊറിഞ്ചു മറിയം ജോസ്, മനോഹരം, തെളിവ്, മോഹൻകുമാർ ഫാൻസ് എന്നിങ്ങനെ അഭിനയിച്ച് ഒട്ടുമിക്ക സിനിമകളിലും പ്രേക്ഷകശ്രദ്ധ നേടാനായെങ്കിലും, അഭിനേതാവ് എന്ന നിലയിൽ എനിക്ക് ഏറെ അഭിനന്ദനങ്ങൾ ലഭിച്ചത് വരത്തൻ, കാർബൺ, ഭീഷ്മപർവ്വം എന്നീ സിനിമകളിലാണ്. കാർബണിലെ കഥാപാത്രം കണ്ട് അറപ്പും ദേഷ്യവും തോന്നി എന്ന് പലരും പറഞ്ഞപ്പോൾ, എനിക്ക് ഒത്തിരി സന്തോഷമായിരുന്നു. ഒരിക്കൽ സൗബിൻ ആണും പെണ്ണും എന്ന ആന്തോളജി സീരീസിലെ സാവിത്രി കണ്ടശേഷം അതിലെ പെർഫോമൻസ് നന്നായിരുന്നു എന്ന് സൂചിപ്പിച്ചത് ഓർമ്മയിലുണ്ട്.

ലളിതം സുന്ദരം ജീവിതം