കുഞ്ഞുങ്ങളുടെ പല്ലുകൾ സംരക്ഷിക്കാൻ

 പാൽ കുടിക്കുന്ന പ്രായത്തിലുള്ള പല കുഞ്ഞുങ്ങളിലും ദന്താരോഗ്യ പ്രശ്നങ്ങൾ ഉണ്ടാകാറുണ്ട്. തുടക്കത്തിലേ കണ്ടെത്തി ചികിത്സിച്ചാൽ അവരുടെ പല്ലുകളെ സംരക്ഷിക്കാനാവും

- ഡോ.നസിം വി.എസ്. അസിസ്റ്റന്റ് പ്രൊഫസർ ശിശുദന്താരോഗവിഭാഗം ഗവ ഡെന്റൽകാളേജ് മെഡിക്കൽകോളേജ് തിരുവനന്തപുരം

ഡോക്ടർ, എന്റെ കുഞ്ഞിന്റെ പല്ല്, ജനിച്ചപ്പോൾ നല്ല വെളുത്തതായിരുന്നു. ഇപ്പോൾ അത് പൊടിഞ്ഞു പോയി. എന്താണെന്നറിയില്ല. പല്ലിന് ഒരു കുഴപ്പവും ഇല്ലായിരു ന്നു. കുട്ടികളുടെ ദന്താരോഗ്യ ഒ.പി.യിൽ പൊതുവേ കേൾക്കു ന്ന പരാതികളിലൊന്നാണിത്.

കുഞ്ഞ് ജനിക്കുമ്പോൾ പല്ലുകൾ ഉണ്ടാവുകയില്ല; ഉണ്ടെങ്കിൽ ത്തന്നെ അതിനെ നേറ്റൽ ടൂത്ത് (Natal Tooth) എന്നുപറയും. ജനിച്ച് ഒരു മാസത്തിനുള്ളിൽ മുളച്ചുവരുന്ന പല്ലിനെ നിയോ നേറ്റൽ ടൂത്ത് (Neo Natal Tooth) എന്നും വിശേഷിപ്പിക്കാറുണ്ട്. അങ്ങനെയുണ്ടായാൽ ഡോക്ടറെ കണ്ട് പരിശോധന നടത്തണം. ആ പല്ല് നിലനിർത്തണോ എന്ന് തീരുമാനമെടുക്കണം. മിക്കപ്പോഴും അങ്ങനെയുള്ള പല്ലുകളെ എടുത്ത് മാറ്റേണ്ടിവരും.

പാൽപ്പല്ലുകളെ എങ്ങനെ സംരക്ഷിക്കാം എന്നത് പ്രധാനമാണ്. കുഞ്ഞ് ജനിച്ച് ഏകദേശം നാല് മുതൽ ആറ് മാസം കഴിയുമ്പോഴായിരിക്കും പാൽപ്പല്ല് താഴത്തെ മുൻനിരയിൽ മുളച്ചുവരുന്നത്. അതിൽ രണ്ടോ മൂന്നോ മാസങ്ങളുടെ ഏറ്റക്കുറച്ചിലുകൾ ചിലപ്പോൾ ഉണ്ടാകാറുണ്ട്. കുഞ്ഞിന്റെ ആദ്യകാല ആഹാരം മുലപ്പാൽ തന്നെയാണ്. ആറുമാസം ആകുമ്പോൾ കുറുക്ക്, പഴവർഗങ്ങളുടെ കുഴമ്പ് തുടങ്ങിയവ കൊടുത്തുതുടങ്ങാം.

പാൽ കുടിച്ച് ഉറങ്ങിയാൽ

കുഞ്ഞുങ്ങളിലെ ദന്ത രോഗങ്ങളിൽ കൂടുതലായും കാണുന്നത് ദന്തക്ഷയം അഥവാ പല്ലിലെ പോടുകൾ അല്ലെങ്കിൽ ഡെന്റൽ കേരീസ് (Dental Caries) ആണ്. ഇതിനുള്ള പ്രധാന കാരണം ഒരു വയസ്സിനുശേഷം കുഞ്ഞുങ്ങൾക്ക് ഉറങ്ങാനായി ആഹാരം നൽകുന്നതാണ്. ആഹാരം എന്ന് പറയുന്നത് മുലപ്പാൽ അല്ലെങ്കിൽ കുപ്പി പാൽ ആകാം, മറ്റ് ആഹാര പദാർഥങ്ങൾ ആകാം.

ഒരു വയസ്സുവരെ ഏത് സമയത്തും പാലുകൊടുക്കാം. എന്നാൽ കുട്ടിക്ക് ഒരു വയസ്സ് ആയതിന് ശേഷം ഉറങ്ങാൻ വേണ്ടി പാൽ കൊടുക്കാൻ പാടില്ല. രാത്രി കൊടുക്കുന്ന പാൽ ആകട്ടെ, മറ്റ് ആഹാരമാകട്ടെ ആ ഭക്ഷണത്തിന്റെ അംശം ഏറ്റവും കൂടുതൽ മേൽനിരയി ലെ മുൻ പല്ലുകളുടെ മോണയുമായി ബന്ധപ്പെട്ട ഭാഗത്ത് പറ്റിക്കിടക്കും.