ദന്താരോഗ്യത്തിന് ആയുർവേദം

പല്ലുകളുടെ ആരോഗ്യം സംരക്ഷിക്കുന്നതിന് ആയുർവേദം വിവിധ മാർഗങ്ങൾ നിർദേശിച്ചിട്ടുണ്ട്

- ഡോ.അമേഷ്കെ.എസ്. മെഡിക്കൽഓഫീസർ ആയുഷ്പ്രൈമറിഹെൽത്ത്സെന്റർ മേലുകാവ്

ദിനചര്യയിൽ ദന്തസംരക്ഷണത്തിന് പ്രഥമസ്ഥാനമാണ് ആയുർവേ ദാചാര്യന്മാർ നൽകിയിരിക്കുന്നത്. ബ്രാഹ്മമുഹൂർത്തത്തിൽ എഴുന്നേറ്റ് മലമൂത്രവിസർജനം കഴിഞ്ഞാൽ ആദ്യം ചെയ്യേണ്ടത് പല്ലുകൾ വൃത്തിയാക്കലാണ്. എങ്ങനെ വൃത്തിയാക്കണം എന്നും എന്തുപയോഗിച്ച് വൃത്തിയാക്കണം എന്നും വ്യക്തമായിത്തന്നെയാണ് പറഞ്ഞിരിക്കുന്നത്. പല്ലുതേക്കുന്ന ചിട്ടകളെക്കുറിച്ച് ആയുർവേദം ഇപ്രകാരം പറഞ്ഞിരിക്കുന്നു. കൈയിലെ ചെറുവിരലിന്റെ അഗ്രത്തോളം വണ്ണമുള്ളതും അറ്റം ചതച്ചതു നിമിത്തം മൃദുവായിരിക്കുന്നതും ചവർപ്പ്, എരിവ്, കയ്പ് ഈ രസങ്ങളുള്ളതുമായ എരുക്ക്. പേരാൽ, കരിങ്ങാലി, ഉങ്ങ്, നീർ മരുത് എന്നിവയുടെ വേരുകൾ രാവിലെയും ഭക്ഷണത്തിനുശേഷം മോണകൾക്ക് കേടുപറ്റാത്ത വിധത്തിൽ പല്ല് വൃത്തിയാക്കാൻ ഉപയോഗിക്കണം. കഷായ കടു തിക്ത രസങ്ങൾ ഉള്ളവയുടെ വേരുകളാണ് ഉപയോഗിക്കേണ്ടത്. അതിൽ വേങ്ങ, അരുളി, പയിൻ, കരിവേലം, കടലാടി, പിച്ചി, കൊട്ടം, ത്രികടു, ത്രിഫല, ത്രിജാതം ഇവ പൊടിച്ച് തേനിൽ കുഴച്ച് അതിൽ മുക്കി പല്ലുതേക്കാവുന്നതാണ്.

ആയുർവേദശാസ്ത്രത്തിൽ ദന്തരോഗങ്ങൾക്ക് ഓരോന്നിനും പ്രത്യേകം ലക്ഷണങ്ങളും അവയ്ക്കുള്ള ചികിത്സാരീതിയും വിശദമാക്കിയിട്ടുണ്ട്. ദന്തരോഗങ്ങളും ലക്ഷണങ്ങളും ഇവയൊക്കെയാണ്:

ശീതദന്തം: പല്ലുകളിൽ തണുപുള്ള ഭക്ഷണപാനീയങ്ങൾ സ്പർശിച്ചാൽ പല്ല് പൊട്ടിപോകുന്നതുപോലെ ശക്തമായ വേദനയുണ്ടാക്കുന്ന രോഗം.

ദന്തഹർഷം: പുളിരസമുള്ളതും തണുപ്പുള്ളതുമായ ആഹാരം കഴിക്കാൻ വിഷമമുണ്ടാകുക.

ദന്തഭേദം: പല്ലുകൾ വേദനയോടെ പൊട്ടിപോകുന്ന അവസ്ഥ.

ദന്തചാലം: ഭക്ഷണം കഴിച്ചാൽ പല്ലുകൾക്ക് ശക്തമായ വേദനയും പല്ലുകൾ ഇളകുകയും ചെയ്യുക.

കരാളദന്തം:വികടങ്ങളായി പല്ലുകൾ നിരതെറ്റി മുളച്ചുവരിക.