മനസ്സുവച്ചാൽ ചെലവ് കുറയ്ക്കാം

വീടിന്റെ സ്ട്രക്ചർ നിർമിക്കുമ്പോൾ അബദ്ധങ്ങൾ പറ്റാതിരിക്കാനും ചെലവ് കുറയ്ക്കാനും വിദഗ്ധർ നൽകുന്ന 10 നിർദേശങ്ങൾ

വീടിന് നല്ല ഉറപ്പും ബലവും വേണം. എന്നാൽ, ഇക്കാര്യത്തിൽ വിദഗ്ധരുടെ സേവനം പ്രയോജനപ്പെടുത്താൻ അത്ര താൽപര്യവും പോരാ. അതുകൊണ്ട് സംഭവിക്കുന്നതോ? വേണ്ടത് ചെയ്യാതെയും വേണ്ടാത്തത് ചെയ്തും പണം പാഴാക്കും. വീടിന് ബലക്ഷയവും മനസമാധാനക്കേടും ബോണസായി കൂടെക്കിട്ടും. വീടിന്റെ അടിത്തറ, ഭിത്തി, ലിന്റൽ, കോൺക്രീറ്റ് മേൽക്കൂര തുടങ്ങിയ വ നിർമിക്കുമ്പോൾ ഇത്തരത്തിൽ പണി കിട്ടുന്നവർ ഏറെയാണ്. ചെലവ് കുറച്ചും അബദ്ധങ്ങൾ പറ്റാതെയും വീടിന്റെ സ്‌ട്രെച്ചർ തയാറാക്കാൻ വിദഗ്ധരായ എൻജിനീയർമാർ നൽകുന്ന 10 നിർദേശങ്ങൾ:

1. നിലം നികത്തുന്നതിന് മുൻപ് അടിത്തറ കെട്ടണം

പലരും സ്ഥലം മണ്ണിട്ട് പൊക്കിയ ശേഷമാണ് അടിത്തറ കെട്ടുക. ചെയ്യാൻ പാടില്ലാത്ത കാര്യമാണിത്. നികത്തിയ ഭാഗത്തെ മണ്ണിന് സ്വാഭാവികമായും ഉറപ്പുണ്ടാകില്ല. അതിനാൽ ഇതിനു താഴെനിന്നും അടിത്തറ കെട്ടിത്തുടങ്ങേണ്ടിവരും. ഇതിന് ഇട്ട മണ്ണ് മാറ്റേണ്ടി വരും. സോയിൽ ടെസ്റ്റ് നടത്താനും പൈലിങ് വേണമെങ്കിൽ അത് ചെയ്യാനുമെല്ലാം കൂടുതൽ പ്രയാസമാകും. മണ്ണ് പരിശോധിച്ച് ഏതുതരം അടിത്തറ വേണം എന്നു നിശ്ചയിക്കുകയും അടിത്തറ കെട്ടിയ ശേഷം മണ്ണിട്ട് നികത്തുകയും ചെയ്യുന്നതാണ് ഉചിതം.

2. അടിത്തറ മണ്ണിന്റെ പ്രകൃതമനുസരിച്ച്