ഒന്നല്ല, ഒരായിരം പുഞ്ചിരിപ്പൂക്കൾ

124 വീടുകൾ, സ്കൂൾ, കമ്യൂണിറ്റി സെന്റർ... ഭൂകമ്പത്തിൽ തകർന്ന ഒരു ഗ്രാമം അപ്പാടെ പുനർനിർമിക്കുകയായിരുന്നു ഇവിടെ

ഓർമിക്കുമ്പോഴെല്ലാം കണ്ണിൽ നനവ് പടരും. എങ്കിലും ഭാദി ഗ്രാമത്തെയും അവിടത്തെ ജനങ്ങളെ യും എനിക്ക് മറക്കാനാകില്ല. ഒന്നല്ല, ഒട്ടേറെ കാരണങ്ങളുണ്ടതിനു പിന്നിൽ.

സുനിൽ ദലായുടെ ഒരു ഫോൺ വിളിയിൽ നിന്നാണ് സംഭവങ്ങളുടെ തുടക്കം. 2001 ലെ ഗുജറാത്ത് ഭൂകമ്പത്തിൽ രാജ്യമാകെ വിതുമ്പി നിൽക്കുന്ന സമയം. കച്ചിൽ നിന്നാണ് സുനിൽ വിളിക്കുന്നത്.

“ദീദീ... ഭുജിൽ സ്ഥിതി വളരെ മോശമാണ്. അവിടമാകെ തകർന്നു പോയിരിക്കുന്നു. നമ്മൾക്ക് ഉടനേ എന്തെങ്കിലും ചെയ്യണം.

മുൻപ് ഒരു സന്നദ്ധസംഘടനയുമായി ബന്ധപ്പെട്ട് കച്ചിൽ കുറേ കെട്ടിടങ്ങൾ പണിതിരുന്നു. ആ പരിചയത്തിലാണ് വിളിയെത്തുന്നത്. തി രക്കുള്ള സമയമാണ്. പക്ഷേ, "ഞങ്ങൾ വരാം എന്ന മറുപടിയാണ് നാവിൽ നിന്നു വീണത്.

പാടേ തകർന്ന കച്ചിലേക്ക് അപ്പോഴേക്കും സഹായ പ്രവാഹം തുടങ്ങിയിരുന്നു. “ഭാദി ഗ്രാമത്തിന്റെ പുനർനിർമാണമാണ് ഗവൺമെന് ഞങ്ങളെ ഏൽപിച്ചത്. 325 വീടുകളിലായി ആയിരത്തഞ്ഞൂറോളം ആളുകൾ കഴിഞ്ഞിരുന്ന ഗ്രാമമായിരുന്നു ഭാവി. ഇതിൽ 124 വീടുകളും ആകെയുണ്ടായിരുന്ന ഒരു സ്കൂളും പൂർണമായി തകർന്നു. നൂറിലധികം പേർക്ക് ജീവൻ നഷ്ടമായി. ഒട്ടേറെ കെട്ടിടങ്ങൾക്ക് കേടുപറ്റി.