ഒതുക്കത്തിനുള്ള അംഗീകാരം

മൂന്നര സെന്റിൽ മൂന്ന് കിടപ്പുമുറികളോടും മറ്റെല്ലാ സൗകര്യങ്ങളോടും കൂടിയ വീട് മാത്രമല്ല, ടെറസിൽ സ്വിമിങ് പൂളും നിർമിച്ചു

കയ്യിലുള്ള പണത്തിലും ഇടത്തിലും ഒതുങ്ങുന്ന വീട് ആരുടെയും സ്വപ്നമാണ്. അഞ്ച് സെന്റിൽ താഴെയുള്ള വീടുകളുടെ വിഭാഗത്തിൽ സ്ട്രക്ചറൽ കാറ്റഗറിയിൽ വിജയിയായ അബി ബഷീർ, പ്രവാസിയായ മനിലിനും ലക്ഷ്മിക്കും വേണ്ടി നിർമിച്ച വീടാണിത്. ചെറിയ പ്ലോട്ടിൽ വീട് മാത്രമല്ല, ടെറസിൽ സ്വിമിങ് പൂളും നിർമിച്ചു.

കുടുംബവീട് ഉണ്ടായിരുന്ന 3.5 സെന്റിലാണ് വീട് നിർമിച്ചത്. ഇരുനിലകളിലായി മൂന്ന് ബെഡ്റൂം, അത്യാവശ്യം പാർക്കിങ് സ്പേസ്, കാറ്റും വെളിച്ചവും കയറിയിറങ്ങുന്ന ലിവിങ് സ്പേസുകൾ ഇതായിയിരുന്നു വീട്ടുകാരുടെ ആവശ്യങ്ങൾ.

കെട്ടിടത്തിന്റെ ആകെ ഭാരം കുറയ്ക്കുക എന്ന ലക്ഷ്യത്തോടെ എഎസി ബ്ലോക്കുകളാണ് തിരഞ്ഞെടുത്തത്.