ഫ്ലോറിങ് പുതുക്കാം കുത്തിപ്പൊളിക്കലില്ലാതെ

പഴയ ഫ്ലോർ ഏതായാലും മുകളിൽ ടൈലോ ലാമിനേറ്റോ ഒട്ടിച്ച് കഷ്ടപ്പാടില്ലാതെ പുതിയ ഫ്ലോർ സ്വന്തമാക്കാം

വീടു പണിത് പത്തോ പതിനഞ്ചോ വർഷം കഴിഞ്ഞാൽ ഫ്ലോറിങ്ങിൽ ഏതെങ്കിലും തരത്തിൽ അറ്റകുറ്റപ്പണികൾ ചെയ്യേണ്ടിവരും. കറ വീണതുകൊണ്ടോ പോറലോ പൊട്ടലോ സംഭവിച്ചതു കൊണ്ടോ ആകാം അത്. ചിലപ്പോൾ ഫ്ലോറിങ് മെറ്റീരിയലിന്റെ ഫാഷൻ വളരെ പഴയത് ആയിട്ടുണ്ടായിരിക്കാം. ഏതു കാരണത്താലാണങ്കിലും പുത്തൻ പുതിയ ഫ്ലോറിങ് കിട്ടാൻ ഇപ്പോൾ വളരെ എളുപ്പമാണ്. അതും കുത്തിപ്പൊളിക്കലോ പൊടി പറക്കലോ ഒന്നുമില്ലാതെ.

എല്ലാം ഞൊടിയിടയിൽ

 പഴയ ഫ്ലോറിങ് ഏതുതന്നെയായാലും മുകളിൽ പശ കൊണ്ട് ഒട്ടിക്കാവുന്ന പുതിയ ഫ്ലോറിങ് മെറ്റീരിയലുകൾ ലഭിക്കും. തടിയുടെ പകരക്കാരായ ലാമിനേറ്റും വിനൈലും വുഡ് പാനലുകളുമൊക്കെ വർഷങ്ങളായി വിപണിയിലുണ്ട്. വെള്ളം തട്ടുന്ന ഇടങ്ങളിൽ സുരക്ഷിതമല്ല എന്നതാണ് ഇവയെ പലരും അവഗ ണിക്കാൻ കാരണം.