ഒരു വീട് പണിയാൻ എത്രനാൾ വേണം?

കൃത്യമായി പ്ലാൻ ചെയ്താൽ ഇടത്തരം വലുപ്പമുള്ള വീട് പണിയാൻ പത്ത് മാസം മുതൽ ഒരു വർഷം വരെയേ സമയമെടുക്കു

- സുനിൽ മാത്യു

വീടുപണി പെട്ടെന്ന് തീർന്നു, എട്ട് മാസം പോലും എടുത്തില്ല... എത്ര കൊല്ലമായി വീടുപണി തുടങ്ങിയിട്ട്, ഇതുവരെ തീർന്നില്ല...

ഇതുരണ്ടും നമ്മൾ സ്ഥിരം കേൾക്കുന്ന ഡയലോഗുകൾ ആണ്. വീടുപണി ധൃതി വച്ച് തീർക്കേണ്ട ഒന്നാണോ അതോ സാവധാനം ചെയ്താൽ എന്തെങ്കിലും മെച്ചമുണ്ടോ?

വീടുപണിക്കും കാലയളവുണ്ട്

ഒരു നിശ്ചിതസമയത്ത് വീടുപണി തീർക്കാൻ സാധിക്കും എന്നാണ് വിദഗ്ധർ പറയുന്നത്. പതിവിലും കുറഞ്ഞ സമയം കൊണ്ടു തീർന്നെങ്കിൽ ഒരുപക്ഷേ, എവിടെയെങ്കിലും വിട്ടുവീ ഴ്ചകൾ ചെയ്തിട്ടുണ്ടാകാം. വാർത്തു കഴിഞ്ഞ് വെള്ളം നിർത്തുന്ന കാര്യത്തിലോ മറ്റോ ആണ് അതെങ്കിൽ വീടിന്റെ ബലത്തെ ബാധിച്ചേക്കാം. പതിവിലും സമയമെടുത്ത് വീടുപണിയുന്നത് സാമ്പത്തിക ആരോഗ്യത്തെയാണ് ബാധിക്കുക. പണിക്കൂലിയും സാധനങ്ങളുടെ വിലയുമൊക്കെ കൂടി ചെലവ് നേരത്തേ നിശ്ചയിച്ച ബജറ്റിന് പുറത്തുപോകാം.