HBD കേരളം

അനുദിനം നവീന പദങ്ങൾ കടന്നുവരുകയാണ് നമ്മുടെ വാമൊഴി ഭാഷയിൽ. അതിന്റെ ഭാഗമായി മാറിയ ആധുനിക വാക്കുകളിൽ ചിലത് പരിചയപ്പെടാം

- ഡോ. എം.ടി. ശശി Research Officer SCERT Kerala

ഒരു കേരളപ്പിറവി ദിനം കൂടി. കേരളത്തിന് 68 വയസ്സാകുന്നു. മലയാളം സംസാരിക്കുന്ന ജനങ്ങളെ കൂട്ടിച്ചേർത്ത് 1956 നവംബർ ഒന്നിനാണ് ഇന്ന് കാണുന്ന കേരള സംസ്ഥാനം രൂപവത്കരിക്കുന്നത്. ഭൂമിശാസ്ത്രപരമായ സവിശേഷതകൾ ഒട്ടേറെ ഉണ്ടെങ്കിലും മലയാള ഭാഷയാണ് കേരളമെന്ന പുതിയ സംസ്ഥാനത്തിന്റെ സൃഷ്ടി കർമത്തിന് അടിസ്ഥാനമായത്.

“ആറു മലയാളിക്ക് നൂറു മലയാളം'

വാമൊഴി ഭാഷയുടെ ഐക്യത്താൽ ചേർത്തെടുത്ത നമ്മുടെ നാടിന്റെ പ്രധാന സവിശേഷത ഭാഷയുടെ വൈവിധ്യമായിരുന്നു. ആറു മലയാളിക്ക് നൂറു മലയാളം' എന്ന് കുഞ്ഞുണ്ണി മാഷ് പറഞ്ഞത് അക്ഷരാർഥത്തിൽ ശരിയാണ്. ഓരോ ഇടങ്ങൾക്കും ഓരോ ഭാഷ, ഭാഷാ ഭേദങ്ങൾ, ശൈലികൾ എന്നിങ്ങനെ വൈജാത്യങ്ങളുടെ സങ്കലനമാണ് മലയാള ഭാഷ.

അനുദിനം നവീന പദങ്ങൾ കടന്നുവന്ന് ചന്തം കൂടിവരുന്ന മൊഞ്ചത്തിയാണ് നമ്മുടെ വാമൊഴി ഭാഷ. സംസാരഭാഷക്കാണ് ഭംഗി കൂടുതൽ. ഓരോ പറച്ചിലുകൾക്കും ഓരോ രസമാണ്. ജൈവികമാണത്. എന്നാൽ, സാഹിത്യത്തിലെ ഭാഷ എല്ലാവർക്കും രസിക്കണമെന്നില്ല.

പുതുതലമുറ രൂപപ്പെടുത്തിയ വാക്കുകൾ

പുതുതലമുറ രൂപപ്പെടുത്തിയ നിരവധി വാക്കുകളുണ്ട്. സ്വന്തം വികാരങ്ങൾ വെളിപ്പെടുത്താൻ ചെറുപ്പക്കാർ ഉണ്ടാക്കിയ സർഗാത്മക പ്രതീകങ്ങളാണ് പുതിയ വാക്കുകൾ എന്ന് പറയാം.