સ્ત્રીનાં બધાં કામ અને ફોનકોલ્સ નકામાં હોય?

સ્ત્રીઓ પુરુષ સમકક્ષ કે ઘણીવાર વધારે કમાતી તો થઈ ગઈ, પણ તેના આ મહત્વપૂર્ણ યોગદાન માટે તેને પરિવારમાં પુરુષ સમકક્ષ સન્માન, આરામ કે સગવડો મળતી થઈ નથી. ઘરનું કોઈ સ્રીને મદદરૂપ ન થાય એ તો સમજ્યા, પણ નડતરરૂપ ન બને એ પણ મોટી સહાય હોય છે. ઉપરાંત સ્રીને સતત રડારમાં ચેક કરતાં રહેવાની વડીલોની નિંદનીય વૃત્તિ પણ જોવામાં આવે છે.

- ડો. મિતાલી સમોવા

કીશ્વી હાંફળી-ફાંફળી દોડતી ઑફિસમાં આવીને એના ડેસ્ક પર બેસી ગઈ. બાજુના ડેસ્ક પર બેસતો અગ્નિલ સીટી વગાડતો વગાડતો ઑફિસમાં પ્રવેશ્યો. હજુ મોટા ભાગના કર્મચારીઓ એસજી હાઈવે પરની કોર્પોરેટ ઑફિસમાં આગમન કરી રહ્યા હતા. કાશ્રી આવી એવી તરત લેપટોપ અને મોબાઇલ શરૂ કરીને કામ કરવા લાગી. તેને સખત ઉતાવળ લાગતી હતી.

‘ઓ મૅડમ, રવિવારે આખો દિવસ ઘોર્યા કર્યું હતું કે શું? મન્ડે મિટિંગની તૈયારીઓ બાકી લાગે છે મહારાણીસાહેબાની?’ તેને જોઈને અશ્નિલે મજાકમાં પૂછ્યું.

‘શી...શ...’ કહીને કાથી કામે લાગી. મિટિંગની તૈયારીઓ અને પછી મિટિંગ પતાવીને સાંજની ટી-બ્રેક પર કાશ્રી અને અશ્નિલ થોડા ફ્રી ટાઇમમાં વાતો કરવા બેઠાં.

‘અમારે કંઈ તમારા જેવી મજા-મજા નથી હોતી કે લાટસાહેબની જેમ નવ વાગે ઊઠો તો મમ્મી કે વાઇફ હાથમાં ટુવાલ, મોજાં 'ને ટિફિન તૈયાર હાથે લઈને છેક ગાડી સુધી મૂકી જાય. તમે તો ઘરે નવરાધૂપ બેઠા પબજી રમતાં હોવ તોય તમારી મમ્મીઓને એવું જ લાગે કે એમના બેટા બહુ થાકીને આવ્યા છે, એમને કશું કામ ન બતાવાય, બહુ ટેન્શન હોય બિચારાને નોકરીનું! ભલે પછી ભઈલો લેપટોપ ખોલી ચોવીસ કલાક અંગ્રેજી ટીવી સિરીઝ જ કેમ ન જોતો હોય.’ કાશ્વી કહેતી રહી, ‘નવરા બેઠાં ભાઈબંધ સાથે મોબાઇલ પર ગપ્પાં મારવા તો તમારો જન્મસિદ્ધ હક હોય જાણે. અડધી રાતે ધાબે જઈને ફોન પર વાતો કરો તોય તમારી મમ્મીને એવું જ લાગે જાણે એમનો રાજદુલારો કોઈ અગત્યની ઇન્ટરનેશનલ ડીલ પતાવી રહ્યો છે. દીકરાના ફાલતુ ટાઇમપાસ કામોનેય અતિ અગત્યના સમજતાં માબાપને દીકરી કે વહુના અતિ અગત્યનાં કામ પણ નવરાઈ અને ટાઇમપાસ લાગતાં હોય છે!’

‘શાંત થાઓ માડી! મુજ ગરીબ પુરુષ પર રહેમ કરો ફેમિનિઝમના અવતારી માતે!’ અગ્નિલે હસતાં હસતાં કહ્યું.