હવે રાતે પહાડો વચ્ચે રંગત જમાવે છે દાર્જિલિંગની ટોય ટ્રેન!

પ્રદેશની સ્થાનિક સંસ્કૃતિની જાળવણી અને તેના યુનેસ્કો વર્લ્ડ હેરિટેજના દરજ્જાને સમર્થન આપવાની દિશામાં દાર્જિલિંગ હિમાલયન રેલવેનું એક મોટું પગલું છે

- મુકેશ ઠક્કર

સપનોં કી રાની યાદ કરાવતી ટૉય ટ્રેન રાત્રે પણ પ્રવાસીઓને ધીમી ચાલે પર્વતનો ઘૂમાવ દેખાડે છે! ટૉય ટ્રેન પર્વતીય રસ્તા પર શિયાળાના ધુમ્મસમાંથી કાળો ધુમાડો ઉડાડતી જોવાનો આ પહેલો અનુભવ થયો છે. દાર્જિલિંગ હિમાલયન રેલવેને વિશ્વમાં વધુ લોકપ્રિય બનાવવા માટે આ પહેલ કરવામાં આવી છે. રેલવે સમયમાં રાત્રીના સમયે ટૉય ટ્રેન ચલાવવા માટે માર્ગદર્શિકા બહાર પાડી છે. ઓનલાઇન બુકિંગ પણ કરી શકાય છે. તેના ૧૪૧ વર્ષ જૂના ઇતિહાસમાં આ પ્રથમ વખત છે કે દાર્જિલિંગ હિમાલયન રેલવે રાતે ટ્રેન સાંકડી કેડી વચ્ચે સરકી રહી છે.

ઘૂમ ફેસ્ટિવલની ઉજવણી કરવા માટે દાર્જિલિંગ હિમાલયન રેલવેએ સ્પેશિયલ નાઇટ રાઇડ શરૂ કરી છે. ઉત્તર બંગાળની નોખી વિરાસત જોવા મળે છે. તે ઘૂમ ફેસ્ટિવલના વારસાને પ્રોત્સાહન આપવા માટે આયોજન કરવામાં આવ્યું છે!

પર્વતની હારમાળા વચ્ચે સાંકડા રસ્તા પર તારલાનું દૃશ્ય દેખાડતી ધીમી અનોખી અને યાદગાર સવારી બની છે!