ચીનમાં જિનપિંગ સામે જનઆંદોલનનો નવો પડકાર

ત્રણ દાયકા પહેલાં આવા લોકશાહી માટેના આંદોલનનું એક મોટું કારણ તે વખતના ચીનમાં મોંઘવારી અને ભ્રષ્ટાચારનું હતું. જ્યારે, અત્યારે ચાલી રહેલા આંદોલનને કારણે કો૨ોના સંક્રમણથી બચવા માટે અમલમાં મૂકાયેલાં કડક નિયંત્રણો છે

ચીનમાં કોરોના વાઇરસનો પ્રકોપ ફરી વખત ચરમસીમાએ પહોંચ્યો છે, તે જ વખતે ચીનની પ્રજા કોરોના સામેના અત્યંત કડક નિયંત્રણો સામે વિદ્રોહના મિજાજ સાથે સરમુખત્યાર શાસકો સામે સંઘર્ષમાં ઊતરી છે. શી જિનપિંગનું શાસન કોરોના સંક્રમણને અટકાવવાના ધરખમ પ્રયત્નો સાથે એક તરફ રોગના નિયંત્રણની ઝુંબેશમાં વ્યસ્ત છે, ત્યારે બીજી બાજુ, લોકોના ઉગ્ર રોષ સામે લડવાની પરિસ્થિતિ ઉત્પન્ન થઈ છે.