પારંપરિક લગ્નગીતોનો એક મધુર સ્વર - વૈશાલી ગોહિલ

કોઈ પ્રસંગમાં પરિવારની સ્ત્રીઓ પાસેથી નવા લગ્નગીત સાંભળવા મળે તો તુરંત નોંધી લે. આ રીતે અઢળક ગીતોને સાંભળ્યા બાદ વૈશાલીબહેને ૪૦૦-૫૦૦ ગીતોનું કલેક્શન તૈયાર કર્યું છે

- પ્રિયંકા જોષી

દામ્પત્યે પગલાં ભરી પ્રણયનાં

ધર્મ પ્રીતિ રાખજો

આશિષ પ્રભુના સદા વરસો કુર્યાત્ સદા મંગલમ્..

જે જે સ્વપ્ન તમે રચ્યા જીવનમાં તે સહુ પ્રભુ પૂરજો

રિદ્ધિ-સિદ્ધિ અનેક પ્રાપ્ત કરીને

કુર્યાત્ સદા મંગલમ્..

અગ્નિદેવની સાક્ષીએ કર પ્રયાણ પૂરી પ્રતિજ્ઞા કરી

યાત્રા આ સંસારની શરૂ કરો કુર્યાત્ સદા મંગલમ્..

કુળ દીપિકા ગુણવતી..

કન્યા છે વિદ્યાવતી શ્રીમતી પહેરીને પરિધાન મંગલ રૂડાં કુર્યાત્ સદા મંગલમ્..

કંઠે મંગળસૂત્ર સુંદર દીસે

મુક્તાવલી ઉજ્વલમ્

આપો એ પ્રિય કન્યાને સુખ ઘણું

કુર્યાત્ સદા મંગલમ્..

ઉરમાં ઉમંગો લઈ અતિઘણા

પ્રભુતામાં પાડે પગલાં

એ પગલે સુખશાંતિ ને સમૃદ્ધિ

કુર્યાત્ સદા મંગલમ્..

સૌની સાક્ષીએ સિંદૂર પૂર્યા સેંથીએ

જોડી અખંડ રાખજો અખંડ સૌભાગ્ય સદા રાખજો

કુર્યાત્ સદા મંગલમ્..

નવવધૂને દીપાવજો કુળદેવી

આશિષ દેજો અખંડ સૌભાગ્યના

અમર.. રાખજો ચૂડી ને ચાંદલો

કુર્યાત્ સદા મંગલમ્.. કુર્યાત્ સદા મંગલમ્.. કુર્યાત્ સદા મંગલમ્..