અસલી શિવસેના શિંદેની ઉદ્ધવ સુપ્રીમમાં જશે

ઉદ્ધવ ઠાકરે ચૂંટણીપંચના નિર્ણયને પચાવી શક્યા નથી, પરંતુ ચૂંટણીપંચે આવા વિવાદમાં તેમના અગાઉના કેસ અને ઉદાહરણોને ધ્યાનમાં રાખીને નિર્ણય આપ્યો છે

- ચાણક્ય

મહારાષ્ટ્રમાં અસલી શિવસેના અંગેના વિવાદનો નિર્ણય આખરે ચૂંટણીપંચે કરી નાખ્યો છે અને મહારાષ્ટ્રના મુખ્યપ્રધાન એકનાથ શિંદેના નેતૃત્વ હેઠળના જૂથને શિવસેનાનું નામ અને પક્ષનું ચૂંટણી ચિહ્ન તેમને આપ્યું છે. તેને કારણે ઉદ્ધવ ઠાકરેના નેતૃત્વ હેઠળનું શિવસેનાનું જૂથ નારાજ થાય એ સ્વાભાવિક છે. ઉદ્ધવ ઠાકરેએ તેમના કાર્યકરો સમક્ષ ચૂંટણીપંચના આ નિર્ણયની ઉગ્ર પ્રતિક્રિયા આપી છે. તેમણે ‘ચૂંટણીપંચને કેન્દ્ર સરકારના ગુલામ’ તરીકે ગણાવ્યું છે અને પક્ષના કાર્યકરોને આ નિર્ણયનો જડબાતોડ જવાબ આપવા માટે ચૂંટણીની તૈયારીમાં લાગી જવાનું કહ્યું છે.