રથયાત્રા પહેલાં જ હાવડા અને જગન્નાથ પુરી વચ્ચે દોડશે વંદે ભારત.. ગુંજશે નાદ જય જગન્નાથ!

ભારતીય રેલવે આ વર્ષે રથયાત્રા પહેલાં વંદે ભારતનું સંચાલન આરંભ કરી આ માર્ગ ઝડપી અને સરળ બનાવશે

- મુકેશ ઠક્કર

પૂર્વ ભારતનું રાજ્ય ઓડિસા રેલવેના આટાપાટાને કારણે કેટલાંક રાજ્યો સાથે જોડાતાં ખાસ્સો સમય લે છે. જેમ કે દક્ષિણ-પૂર્વ રેલવેનાં ઓડિસાનાં શહેરો રેલ માર્ગે લગભગ પશ્ચિમ બંગાળના પ્રવેશ સ્ટેશન ખડગપુર થઈ પસાર થાય છે.

ઓડિસાની રાજધાનીનું શહેર ભુવનેશ્વર અને મહત્ત્વનું નગર કટક જગન્નાથપુરી સમીપ હોવા છતાં ટ્રૅક સંકોચને કારણે વધુ સમય લે છે. ભારતનાં યાત્રાધામોને રેલમાર્ગે જોડવામાં હવે વંદે ભારત એક્સપ્રેસ હાવડા સ્ટેશન અને જગન્નાથપુરી વચ્ચે દોડશે, સમય પણ સરખામણીમાં બહુ ઓછો લેશે.