ધાર્મિક કાર્યક્રમોમાં કચ્છની મહિલાઓ વગાડે છે બેન્ડ

ખેતીકામ કરતી, ગાયભેંસની દેખરેખ રાખતી, ઘર અને બાળકોને સંભાળતી માંડવીની ૨૬ પરિણીત મહિલાઓનું ‘વૃંદાવન બૅન્ડ’ પટેલ સમાજ દ્વારા આયોજિત ધાર્મિક કાર્યક્રમમાં સેવા આપે છે.

- સુચિતા બોઘાણી કનર

સામાન્ય રીતે કોઈ મંદિર કે કથાના કાર્યક્રમોમાં હવે ધામધૂમ કરવાનો ટ્રેન્ડ ચાલુ થઈ ગયો છે. એક સરખા યુનિફોર્મમાં સજ્જ યુવાનો વિવિધ વાઘો પર ફિલ્મી કે ધાર્મિક ગીતો વગાડતા હોય અને એકાદ- બે યુવાનો ગીત ગાતા હોય, તેવાં દશ્યો સામાન્ય થઈ ગયા છે, પરંતુ આવા કાર્યક્રમમાં યુવાનોના બદલે યુવતીઓને વિવિધ વાદ્યો વગાડતી જોવાનું નવું છે. માંડવીની પટેલ મહિલાઓના પ્રયત્નથી આ દશ્ય પણ હવે વારેતહેવારે જોવા મળશે.