ફેસ વૉશ, ફેસ પેક અને ફેસ માસ્ક વચ્ચે શું તફાવત છે?

મૃત ત્વચા દૂર કરવી હોય તો ફેસ માસ્કનો ઉપયોગ કરવો અને જો ખીલ, ડાઘ જેવી સમસ્યા દૂર કરવી હોય તો ફેસ પેક વાપરવા પર ભાર મૂકવો જોઈએ

ચહેરા અને ગરદનનું સૌંદર્ય જાળવવા માટે વિવિધ પ્રકારના ફેસ માસ્ક અને ફેસ પેકનો ઉપયોગ કરવામાં આવે છે. આજે બજારમાં જુદી-જુદી સામગ્રીઓનો ઉપયોગ કરીને બનાવેલા ફેસ માસ્ક અને ફેસ પેક ઉપલબ્ધ છે. વ્યક્તિ પોતાની ત્વચાના પ્રકાર અનુસાર ફેસ પેક અને ફેસ માસ્કની પસંદગી કરી શકે છે. બજારમાં મળતા ફેસ પેક અને ફેસ માસ્કનો ઉપયોગ ન કરવો હોય તો ઘરમાં રહેલી વિવિધ વસ્તુઓનો ઉપયોગ કરીને ફેસ માસ્ક અને ફેસ પેક બનાવીને લગાવવામાં આવે છે, પણ આખરે આ ફેસ માસ્ક અને ફેસ પેક વચ્ચે તફાવત શું છે, માસ્ક અને પેક એકબીજાથી કઈ રીતે અલગ પડે છે, એક્ચ્યુલી ફેસ માસ્ક અને ફેસ પેક વચ્ચે ઘણો બધો તફાવત રહેલો છે. બસ, આપણે તેના ઉપર ધ્યાન નથી આપતા. હકીકતે વિચારવું જોઈએ કે ત્વચાને ફેસ પેકની જરૂર છે કે ફેસ માસ્કની અને તે પ્રમાણે વ્યક્તિએ ફેસ પેક અથવા ફેસ માસ્કનો ઉપયોગ કરવો જોઈએ.