એનાલિસિસ

ચૂંટણી ટાણે જ ચૂંટણી કમિશનરનું રાજીનામું શું સૂચવે છે?

- સુધીર એસ. રાવલ

આપણે ત્યાં . ખરે સમયે અપેક્ષા અનુસાર કામ ન થાય ત્યારે ગુજરાતી ભાષામાં પ્રચલિત એવો એક મુહાવરો ઘણીવાર વપરાય છે કે, ‘દશેરાને દહાડે ઘોડું ન દોડ્યું!' આ ઉક્તિ એટલા માટે યાદ આવી કે ભારતના ચૂંટણી પંચમાં આવું જ કંઈક થયું છે. લોકસભાની ચૂંટણી આડે ગણતરી ના દિવસો જ બાકી રહ્યા છે અને ચૂંટણીની તારીખો જાહેર કરવા માટે તો સમય પાકી ગયો છે ત્યારે, એક ચૂંટણી કિમશનર અરુણ ગોયલે અચાનક રાજીનામું આપી દેતા ચૂંટણી પંચ, વહીવટી વર્તુળો અને રાજકીય વર્તુળો માં ખળભળાટ મચી ગયો છે. ત્રણ ચૂંટણી કમિશનરોમાંથી અન્ય એક અનુપ ચંદ્ર પાંડે હમણાં જ ૧૫ ફેબ્રુઆરીના રોજ નિવૃત્ત થયા છે. હવે માત્ર મુખ્ય ચૂંટણી કમિશનર રાજીવ કુમાર જ ફરજ પર કાર્યરત છે, ત્યારે કેન્દ્ર સરકાર આગામી સપ્તાહ દરમિયાન તાકીદના ધોરણે નવા ચૂંટણી કમિશનરોની નિમણૂક માટે પ્રક્રિયા હાથ ધરશે, તેવા અહેવાલો સાંપડી રહ્યા છે.

ચૂંટણી પંચમાં આ શું ચાલી રહ્યું છે?

સવાલ એ છે કે ખરે ટાણે જ ભારતના ચૂંટણી પંચમાં આ શું ચાલી રહ્યું છે? શા માટે અરુણ ગોયલનું આમ અચાનક રાજીનામું આવી પડ્યું? રાજકીય વર્તુળોમાં જે ચર્ચા ચાલી રહી છે તે ખાસ કરીને ગોયલના રહસ્યમય રાજીનામાનો અચાનક સમય, સરકારી સ્તરે વીજળી વેગે જરૂરી વહીવટી પ્રક્રિયા અને રાષ્ટ્રપતિ દ્રૌપદી મુર્મુની પણ વિનાવિલંબ રાજીનામું સ્વીકારી લેવાની પ્રક્રિયા બાદ જે રીતે તેની જાહેરાત કરાઈ, તે બાબતે વિશેષ છે. આશ્ચર્યની બાબત એ છે કે આ જ અરુણ ગોયલની ચૂંટણી કિંમશનર તરીકેની નિમણૂકને પણ સર્વોચ્ચ અદાલતમાં પડકારવામાં આવી હતી. કેન્દ્ર સરકારે જે ત્વરાએ માત્ર ૨૪ કલાકમાં તેમની નિમણૂકની પ્રક્રિયા પૂરી કરેલી, તે વિષે સર્વોચ્ચ અદાલતે ટકોર કરી હતી અને સરકારને સવાલ કર્યો હતો કે, આ પદ છેલ્લા ઘણા સમયથી ખાલી હતું