રાજકાજ

કેજરીવાલ હવે વાસ્તવિકતા સમજીને રાજીનામું આપે

- ચાણક્ય

દિલ્હીના મુખ્યપ્રધાન અરવિંદ કેજરીવાલને શરાબ કૌભાંડમાં ઇડીના રિમાન્ડ પૂરા થયા પછી કસ્ટડીમાં મોકલી આપવામાં આવ્યા છે. એ સાથે જ તેમના હોદા પરથી રાજીનામાની ચર્ચા ફરી શરૂ થઈ છે. કેજરીવાલ અને આમ આદમી પાર્ટીના સભ્યો રાજીનામું નહીં આપવાના આગ્રહી છે. કેજરીવાલ હજુ પણ જેલમાંથી સરકાર ચલાવવાની વાત કરે છે. વ્યવહારમાં એ શક્ય ન હોવાનું અસંખ્ય લોકોએ કહ્યું છે. જેલના મેન્યુઅલ્સ પ્રમાણે પણ જેલમાંથી સરકાર ચલાવવાનું શક્ય નથી, એ કેજરીવાલ સમજતા થયા હોવા છતાં કોઈ વિચિત્ર કારણસર મુખ્યપ્રધાન પદેથી રાજીનામું નહીં આપવાની જીદ લઈને બેઠા છે.