ફેમિલી ઝોન

ફૂટકોર્ન શું છે અને કેવી રીતે રાહત મેળવી શકાય?

- હેતલ ભટ્ટ

પગરખાં તો સહુ કોઈ પહેરે છે, પણ તેની ગુણવત્તા પર બહુ ઓછા લોકો ધ્યાન આપે છે. મોટા ભાગના લોકો સ્ટાઇલ, પેટર્ન, ડિઝાઇન અને બજેટ પર ધ્યાન આપે છે. પરિણામ એ આવે છે કે પગને લગતી સમસ્યાઓ ઊભી થાય છે. પગની એડી એટલે કે પાની દુખવી, પંજામાં બળતરા થવી, આંગળીઓમાં દુખાવો થવા લાગે છે. આવી જ એક સમસ્યા છે, પગના પંજામાં ગાંઠ થઈ જવાની. ગાંઠ જો ન હોય તો એ ભાગની ત્વચા જાડી થઈ જતી હોય છે. આ સમસ્યાને કપાસી તરીકે ઓળખવામાં આવે છે. કેટલાક લોકો તેને કણી કહે છે. અંગ્રેજીમાં આ સમસ્યા કોર્ન તરીકે ઓળખવામાં આવે છે.