આમ તો ડેસ્ટિનેશનનો અર્થ મંજિલ થાય, આ પણ ચિંતનકારોના હાથમાં શબ્દ આવે ત્યારે ચાંપલા શબ્દોમાં લખશે કે માણસનું અંતિમ ડેસ્ટિનેશન તો મૃત્યુ છે. ત્યાં સુધી પહોંચવાની જે સફર છે એને જ જીવન કહે છે.
હા ભઈ હા, પણ જેને ડેસ્ટિનેશન વેડિંગ કરવાં હોય એ કંઈ સ્મશાનમાં થોડો મંડપ બંધાવવા જાય? અને ધારો કે ત્યાં મંડપ બાંધી પણ દીધો તો જે આત્માઓ ત્યાં વાંઢા ભટકતા હોય એમને તો વાંધા જ પડે ને? છતાં ભલું પૂછવું, વિદેશનાં કપલો ડેસ્ટિનેશન વેડિંગના નામે જેમ પહાડની ટોચ ઉપરથી કૂદકો મારીને પૅરાશૂટ વેડિંગો કરે છે કે પછી દરિયામાં પંદરસો ફૂટ ઊંડે ડૂબકીઓ મારીને ફેસ પર સાફો કે ઘૂંઘટ રાખવાને બદલે ઑક્સિજનનું માસ્ક રાખીને પરણે છે તો એ ઘનચક્કર લોકો કબ્રસ્તાનમાં જઈને પરણેય ખરાં!
આપણાં ગુજરાતી કપલોને આવું બધું કરવાનું શૂર ભલે ના ચડે, પણ ભલું પૂછવું, એકાદ ગુજરાતી કપલ તો એવું નીકળશે, જે શનિ-રવિના દિવસોમાં મુંબઈના સ્ટૉક એક્સચેન્જના બિલ્ડિંગમાં ડેસ્ટિનેશન વેડિંગ ગોઠવશે! કપલ ફેરા ફરતું હોય ત્યારે એમની પર ફૂલો વરસાવવાને બદલે લગડી કંપનીઓનાં IPOનાં ફૉર્મ વરસાવશે! એ જ રીતે રૂપિયા ભરેલાં કવરો આપવાને ચાંલ્લો-કન્યાદાનમાં બદલે લોકો મામૂલી કંપનીઓના સસ્તા ભાવના શૅર ટ્રાન્સફર કરી આપશે.
ચાલો, આ બધી શેખચલ્લી જેવી હવાઈ વાતો છોડો, રિયલમાં જે ડેસ્ટિનેશન વેડિંગો થતાં હોય છે એમાં પણ કંઈ ઓછી જફાઓ હોય છે? એક તો આ બધાં ડેસ્ટિનેશનો કાં તો દરિયાકિનારે હોય, કાં તો કોઈ હિલસ્ટેશન પર હોય છે. કોઈને તો વળી આખેઆખો ટાપુ બુક કરી દેવાનાં જોશ ચડે છે તો કોઈને વળી રજવાડી સ્ટાઈલમાં પરણવું હોય તો કોઈ જૂના કિલ્લામાં જવા માટે જાન જોડશે.
આમાં સૌથી મોટી જફા મહેમાનોને હોટેલમાં આપેલા ઉતારાની હોય છે. આખું અઢીસો જણનું ટોળું બાય ઍર, પછી બાય લક્ઝરી કોચ હોટેલના રિસેપ્શન પર એવી રીતે ભેગું થઈને રાહ જોતું હોય છે કે જાણે અહીં કોઈ સત્સંગનાં દૂધ-જલેબી વહેંચાવાનાં હોય! અહીં દૂધ-જલેબીનો મતલબ રૂમ નંબર હોય છે.
This story is from the February 20, 2023 edition of Chitralekha Gujarati.
Start your 7-day Magzter GOLD free trial to access thousands of curated premium stories, and 9,000+ magazines and newspapers.
Already a subscriber ? Sign In
This story is from the February 20, 2023 edition of Chitralekha Gujarati.
Start your 7-day Magzter GOLD free trial to access thousands of curated premium stories, and 9,000+ magazines and newspapers.
Already a subscriber? Sign In
મન હોય તો માળવે જવાય...અને મેડલ પણ જિતાય.
ઉંમરના છ દાયકા પાર કરી ચૂકેલી આ મહિલાને જીવનમાં કંઈક કરવાનું બાકી હોય એમ લાગ્યા કરતું એટલે એમણે સ્વિમિંગ શીખવાનું શરૂ કર્યું. એટલું જ નહીં, રાજ્ય લેવલે અનેક હરીફાઈમાં ભાગ લઈ વિજયી પણ બન્યાં. એ પછીય કંઈક અધૂરપ લાગતી તો ભરતનાટ્યમ તથા કથક જેવાં ક્લાસિકલ નૃત્ય શીખ્યાં અને એમાં પણ વિશારદ હાંસિલ કરી. એ સાઈકલિંગ કરે, ક્લાસ ચલાવે અને સાથે જીવનથી નિરાશ થયેલી મહિલાઓમાં ઊર્જા ભરવાનું કામ પણ કરે.
અનલિસ્ટેડ સ્ટૉક્સમાં રોકાણ કરવું છે? ...કરવું જોઈએ?
શું તમે જાણો છો, હવે અનલિસ્ટેડ સ્ટૉક્સમાં રોકાણનો ટ્રેન્ડ વધી રહ્યો છે... આવા સ્ટૉક્સમાં રોકાણ કરવાનાં કારણ અને રીત શું હોય છે? આ રોકાણ કરવું જોઈએ ખરું? ચાલો સમજીએ, અનલિસ્ટેડ સ્ટૉક્સની નાની માર્કેટને, જે ધીમે ધીમે મોટી થતી જાય છે.
ટ્રમ્પના વિજયનું ભારત કનેક્શન જાણવા જેવું છે.
રસાકસીની ધારણાવાળી અમેરિકન પ્રમુખપદની ચૂંટણીમાં ભૂતપૂર્વ પ્રમુખ ડોનાલ્ડ ટ્રમ્પે એકતરફી જીત મેળવીને વિશ્વઆખાને સ્તબ્ધ કરી દીધું. ટ્રમ્પના આ ભવ્ય વિજય પાછળ ઘણા ઈન્ડિયન અમેરિકન્સની પણ મહેનત છે. હવે એમના પ્રધાનમંડળમાં ભારતીય કે હિંદુ કનેક્શન્સ ધરાવતા રાજકારણીઓને સ્થાન મળશે કે નહીં એની ચર્ચા છે.
ગુજરાતમાં હવે ડૉગ પકડશે દારૂ!
ચોરી, લૂંટ કે મર્ડરની ઘટનાના આરોપી સુધી પહોંચવા પોલીસજવાનોની સાથે ડૉગ સ્ક્વૉડ જોવા મળે એ કોઈ નવી વાત નથી. દાયકાઓથી પોલીસતંત્ર શ્વાનને એવી તાલીમ આપે છે કે જે ગુનેગારના સગડ મેળવવામાં મદદરૂપ થાય છે. ગુજરાત પોલીસે હવે ડૉગને તાલીમ આપવામાં એક ડગલું આગળ વધીને ક્યાંય દારૂ સંતાડવામાં આવ્યો હોય એ શોધી શકે એ માટે ખાસ બે ‘આલ્કોહોલ ડિટેક્શન ડૉગ’ તૈયાર કર્યા છે.
લગ્ન પછી સ્ત્રીએ કેમ નોકરી છોડવી પડે છે?
આને ‘પરણવાની સજા’ કહો કે બીજું કંઈ, આ છે તો હકીકત અને આંકડા પણ એમ જ બોલે છે.
અવગણવા જેવી નથી આ વ્યાધિ
ગર્ભાવસ્થામાં એનિમિયા સ્ત્રી ઉપરાંત ગર્ભસ્થ શિશુના સ્વાસ્થ્ય સામે જોખમ ઊભું થાય એ પહેલાં ચેતી જાવ...
મહેમાનો માટે બનાવો ટાફ્ટ બ્સ્ટેિબલ બિરયાની
દિવાળીમાં બહારના નાસ્તા અને તેલવાળો ખોરાક ખાઈને કંટાળી ગયા છો?
પોતાના ઘરમાં જ નહીં, અન્ય હિલાનાં જીવનમાં પણ ફેલાવી... સફળતાની મીઠાશ!
સ્વભાવે અંતર્મુખી એ મહિલા ઈન્ટિરિયર ડિઝાઈનર તો બની, પરંતુ લોકોનાં ઘરને સજાવવાને બદલે ઘરેથી રસોઈકળાથી નાની સ્ટાર્ટ-અપ કંપની શરૂ કરી અન્ય મહિલાનાં જીવન સજાવ્યાં. આ અમદાવાદી માનુનીની ચૉકલેટ્સનો સ્વાદ દેશ-વિદેશની દાઢે વળગ્યો છે.
વીરપુરથી કોચી સુધી જલારામજયંતીની ધૂમ
ખાસ્સી ગુજરાતી વસતિ ધરાવતા કોચીના ‘મિની હરિદ્વાર' સમા મટનચેરી વિસ્તારનું જલારામ ધામ.
હાથી આપણો મિત્ર છે, આપણેય એના સાથી બનવું પડશે...
વનવગડામાં પણ માણસજાતનો કોઈ એક દોસ્ત વસતો હોય તો એ છે ગજરાજ. જંગલી જીવોમાં સૌથી વધુ સમજદાર અને સૌથી વધુ સંવેદનશીલ એવા હાથીભાઈ સાથે માણસોનો નાતો આમ તો બહુ જૂનો છે, આપણે હાથીની પૂજા પણ કરીએ છીએ, પરંતુ હમણાં હમણાં હાથી અને માનવ વચ્ચે ઘર્ષણના અનેક કિસ્સા બની રહ્યા છે.
