નિર્ણય સારો છે.. અમલ મુશ્કેલ છે!

આઈપીઓની જેમ સ્ટૉક માર્કેટના સોદામાં પણ ‘અસ્બા’ની સુવિધા લાગુ કરવા સહિત નિયમન સંસ્થા ‘સેબી’એ મૂડીબજાર-ફાઈનાન્સિયલ માર્કેટ સંબંધિત રિફૉર્મ્સનાં અનેક પગલાં ઘોષિત કર્યાં છે. જોવાનું છે કે એમાંથી કેટલાં સફળ નીવડે છે.

- જયેશ ચિતલિયા

‘સેબી’નો નિર્ણય ઘણા બ્રોકરોને નહીં ગમે.

શૅરબજારના રોકાણકારો આનંદો.. સમાચાર જ આનંદ આપે એવા છે. ટૂંક સમયમાં એવી યંત્રણા લાગુ થશે કે તમે માર્કેટમાંથી શૅર ખરીદવાનો ઑર્ડર મૂક્યા બાદ તમારો ઑર્ડર કન્ફર્મ થશે ત્યારે જ તમારા બૅન્ક ખાતામાંથી એ માટેના પૈસા બહાર જશે.

પ્રાઈમરી માર્કેટમાં જેમ અસ્બા (ઍપ્લિકેશન સપોર્ટેડ બાય બ્લૉક્ડ એમાઉન્ટ-ASBA)ની સુવિધા છે એ હવે સેકન્ડરી માર્કેટમાં પણ ઉપલબ્ધ થાય એવો નિર્ણય સેબી (સિક્યોરિટીઝ ઍન્ડ એક્સચેન્જ બોર્ડ)એ લીધો છે. આ રકમ યુપીઆઈ મારફત બ્લૉક થશે. આ સુવિધા લાગુ થવાને પરિણામે જે બ્રોકરો ગ્રાહકોનાં નાણાંનો દુરુપયોગ કરતા હશે તેમની એ પ્રવૃત્તિ અટકી જશે. જો કે વ્યવહારુ દૃષ્ટિએ આનો અમલ થોડો મુશ્કેલ તો લાગે જ છે.

અસ્બા સુવિધા આઈપીઓ માટે લાંબા સમયથી ઘટે લાંબા સમયથી જેમાં અરજદાર ફરજિયાતપણે કાર્યરત છે, આઈપીઓ માટે અરજી કરે ત્યારે તેના બૅન્ક એકાઉન્ટમાંથી નાણાં ત્યારે જ બહાર જાય જ્યારે તેને શૅર્સની ફાળવણી થાય અને તે પણ જેટલી ફાળવણી થઈ હોય તેના હિસાબે થતી રકમ જ ટ્રાન્સફર થાય. જો કોઈ ફાળવણી ન થઈ હોય તો બૅન્કમાંથી નાણાં બહાર જાય જ નહીં. આમ શૅરભરણામાં અરજી કર્યા બાદ નાણાં અટવાઈ જવાની કે રિફંડ માટે રાહ જોવાની ઝંઝટ જ રહે નહીં. આ સુવિધાએ આઈપીઓ માર્કેટના રોકાણકારોને જબરદસ્ત રાહત આપવા સાથે સિસ્ટમને પણ વધુ પારદર્શક અને સરળ બનાવી છે.

સોદા નહીં તો પૈસા નહીં!