ચંદ્રકાંત બક્ષીનું ઘર બનશે હવે સ્મૃતિસ્થાન

આ છે બક્ષીબાબુનું પાલનપુરનું નિવાસસ્થાન.

એક પુસ્તક વાચકને જીવનનો રાહ બતાવે. ઘણી વાર સર્જક પ્રત્યે આદર, અહોભાવ જગાવે, તો ક્યારેક કોઈકમાં સમાજનું ઋણ અદા કરવાની સદ્ભાવના જગાવે.

કંઈક એવું કર્યું મૂળ અમદાવાદના રહેવાસી હિતેશ પટેલે. ગુજરાત સરકારના અધિકારી હિતેશભાઈ પાંચેક વર્ષ પહેલાં પાલનપુરમાં ફરજ બજાવતા હતા ત્યારે મૂળ પાલનપુરવાસી વિખ્યાત સાહિત્યકાર સ્વર્ગીય ચંદ્રકાંત બક્ષીએ એમની આત્મકથા બક્ષીનામામાં લખેલા ખોડાલીમડા વિસ્તારનું સ્મરણ થયું. હિતેશભાઈએ ખોડાલીમડાના બક્ષીવાસમાં આવેલું ચંદ્રકાંત બક્ષીનું જન્મસ્થળ શોધ્યું અને ૧૯૭૦ના દાયકામાં આ મુંબઈના મકાન ખરીદનારા મહેતાપરિવારને પણ એમણે બક્ષીપ્રેમી તથા સ્થાનિક પરમાર હિદાયત પરમાર રહીશોની મદદથી ખોળી કાઢ્યો.